Laus störf Hæfnileit Vinnustaðir Námskeið

Leikskólinn Jötunheimar

Leikskólinn Jötunheimar er 10 deilda leikskóli sem opnaði 2008 við Norðurhóla 3. Í starfsstöðinni í Norðurhólum 3 eru sex deildir en haustið 2023 opnuðu tvær deildir í starfsstöðinni við Heiðarstekk 10 og haustið 2025 munu aðrar tvær opna þar. Markmið leikskólans Jötunheimar er heilsueflandi leikskóli. Leiðarljós leikskólans er Leikurinn á vísdóm veit og lögð er áhersla á að þau komi fram í öllu daglegu starfi. Markmið okkar er að öll börn fái að njóta sín á eigin forsendum og getu. Mikilvægt er að börnin fái góðan og samfelldan tíma til leikja og áhersla er lögð á sjálfstæði barnsins til að tjá sig í leik og starfi. Það er meðal annars gert í gegnum skapandi starf, málrækt, hreyfingu og með jákvæðum samskiptum. Kennsluaðferð leikskólans Áhersla er á leikinn og að barnið læri í gegnum leik. Fullorðnir eiga að vera leiðbeinandi og styðja börnin í þekkingarleit sinni og gefa þeim nægan tíma til að leysa þau verkefni sem þau eru að fást við.

Vinnustaðurinn

Aðstoðarmatráður

Leikskólinn Jötunheimar auglýsir eftir aðstoðarmatráð í móttökueldhús leikskólans. Um 75% starfshlutfall er að ræða.

Markmið starfs

Að starfa í móttökueldhúsi leikskólans, undirbúa og matreiða máltíðir eftir ráðleggingum Embættis landlæknis um mataræði ungra barna. Starfar samkvæmt lögum og reglugerð um mötuneyti leikskóla, öðrum lögum er við eiga, aðalnámskrá leikskóla, skólanámskrá leikskólans og stefnu Sveitarfélagsins Árborgar.

Í Sveitarfélaginu Árborg búa rúmlega 12.000 íbúar og starfa um 1000 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Helstu verkefni og ábyrgð

Að undirbúa og framreiða allar máltíðir í leikskólanum. Matreiðsla, bakstur og framreiðsla á morgunmat og síðdegishressingu.
Taka á móti mat fyrir hádegiverð og undirbúa fyrir framreiðslu.
Að taka virkan þátt í samstarfi við framleiðslueldhús.
Taka á móti hráefni, meðhöndla það til geymslu, vinna það fyrir matreiðslu og matreiða eftir þörfum á viðeigandi hátt þegar við á.
Þrífa og ganga frá að loknu starfi.
Sjá um að þvo þvott leikskólans og frágang á honum.
Pantanir og kaup á vörum í eldhús og þvottahús.
Sinnir þeim verkefnum er varðar eldhús og þvottahús sem yfirmaður felur.

Menntunar- og hæfniskröfur

Reynsla af starfi í mötuneyti eða skólaeldhúsa æskileg.
Frumkvæði, metnaður, skipulagshæfni og sjálfstæð vinnubrögð.
Færni í mannlegum samskiptum.
Góð íslenskukunnátta skilyrði.
Færni til að tjá sig í ræðu og riti.

Nánari upplýsingar um starfið veitir Júlíana Tyrfingsdóttir leikskólastjóri, tölvupóstur: [email protected], sími: 480-6372

Umsóknarfrestur er til og með 28. nóvember 2025. Ráðið er í starfið frá 1. desember 2025 eða eftir samkomulagi.

Umsóknum fylgi yfirlit yfir nám og fyrri störf ásamt greinargóðum rökstuðningi fyrir hæfni í starfið. Umsóknum er skilað á Alfred.is. Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu liggur fyrir. Allar umsóknir eru gildar í 6. mánuði.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Vakin er athygli á stefnu Sveitarfélagsins Árborgar að jafna hlut kynjanna í störfum hjá sveitarfélaginu og að vinnustaðir endurspegli fjölbreytileika samfélagsins.

Auglýsing birt18. nóvember 2025

Umsóknarfrestur28. nóvember 2025

Tungumálahæfni