Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Yfiriðjuþjálfi á Grensási

Landspítali leitar eftir kraftmiklum og skipulögðum iðjuþjálfa í starf yfiriðjuþjálfa á Grensási. Viðkomandi þarf að hafa afburða samskipta- og leiðtogahæfni og eiga auðvelt með að vinna í teymi. Starfið felur í sér skipulag og stjórnun á fjölbreyttri starfsemi á Grensási í nánu samstarfi og umboði yfiriðjuþjálfa Landspítala, auk klínískra starfa.

Einstaklingar sem koma í endurhæfingu á Grensási eftir slys eða veikindi eiga flestir í erfiðleikum með að takast á við sitt daglega líf. Sérþekking iðjuþjálfa felst í því að greina styrkleika einstaklinga og hvað reynist þeim erfitt við dagleg verk, finna leiðir til að yfirstíga þessa erfiðleika og þjálfa aftur upp færni til að takast á við daglegt líf.

Næsti yfirmaður er yfiriðjuþjálfi Landspítala. Starfshlutfall er 100% eða eftir samkomulagi og unnið er í dagvinnu. Æskilegt að umsækjandi geti hafið störf sem fyrst eða eftir nánara samkomulagi.

Menntunar- og hæfniskröfur

Íslenskt starfsleyfi sem iðjuþjálfi

Sveigjanleiki og hæfni í mannlegum samskiptum sem og teymisvinnu

Áhugi og reynsla af stjórnun, umbóta- og gæðastarfi

Viðbótarnám sem nýtist í starfi æskilegt

Leiðtogahæfni og metnaður til að ná árangri

Skipulagshæfileikar og frumkvæði í starfi

Reynsla á sviði iðjuþjálfunar í endurhæfingu skilyrði

Góð íslenskukunnátta

Helstu verkefni og ábyrgð

Starfsmannamál og rekstur í umboði yfiriðjuþjálfa Landspítala

Skipuleggur iðjuþjálfun á starfsstöð í samræmi við stefnu, gildi og markmið Landspítala

Hvetur til rannsókna og vísindastarfs í iðjuþjálfun í samráði við yfiriðjuþjálfa Landspítala

Er yfiriðjuþjálfa Landspítala til ráðgjafar/ aðstoðar í stefnumótun, faglegri þróun og gæðastarfi í iðjuþjálfun

Stjórnar innleiðingu og aðlögun klínískra leiðbeininga að starfsemi iðjuþjálfunar á starfsstöð

Sinnir klínískum störfum

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Iðjuþjálfafélag Íslands hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Tungumálahæfni: Íslenska 4/5

Starfamerking: Iðjuþjálfun, stjórnun, endurhæfing

Nánari upplýsingar

Sigurbjörg Hannesdóttir, [email protected],

Iðjuþjálfun

Hringbraut

101 Reykjavík

Auglýsing birt26. maí 2025

Umsóknarfrestur5. júní 2025

Tungumálahæfni

Íslenska

Nauðsyn

Mjög góð

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (48)