Suðurnesjabær

Suðurnesjabær er framsækið sveitarfélag sem hefur það að leiðarljósi að veita framúrskarandi þjónustu.

Forstöðumaður dagdvalar aldraðra í Suðurnesjabæ

Suðurnesjabær óskar eftir að ráða drífandi, skipulögðum og kraftmiklum einstaklingi í starf forstöðumanns dagdvalar aldraðra. Um er að ræða 100% starf og æskilegt að viðkomandi geti hafið störf sem fyrst.

Forstöðumaður leiðir faglegt starf dagdvalar aldraðra, þróar og samhæfir innra starf með aukin þjónustugæði að leiðarljósi. Markmiðið dagdvalarinnar er að styðja aldraða einstaklinga til að búa sem lengst á eigin heimilum og að rjúfa félagslega einangrun þeirra. Lögð er áhersla á að viðhalda og örva einstaklinga til bættrar andlegrar, líkamlegrar og félagslegrar heilsu. Um er að ræða fjölbreytt og krefjandi starf þar sem fagleg forysta og þátttaka í daglegri þjónustu við eldra fólk fara saman.

Helstu verkefni og ábyrgð

Leiða og samhæfa faglegt starf dagdvalar með þjónustugæði og vellíðan dvalargesta að leiðarljósi
Tekur virkan þátt í daglegri þjónustu við dvalargesti eftir þörfum og samhliða stjórnunarhlutverki.
Dagleg stjórnun og ráðgjöf til starfsfólks
Umsýsla með mannauðsmálum í samstarfi við yfirmenn
Eftirlit með skráningum, skjalamálum og upplýsingagjöf
Yfirumsjón með fjárhagslegri umsýslu, m.a. reikningum, skýrslugerð til Sjúkratrygginga og mati á þjónustu
Samstarf við aðstandendur, heimahjúkrun, HSS og aðra þjónustuaðila

Menntunar- og hæfniskröfur

Viðurkennd heilbrigðismenntun sem veitir starfsleyfi frá embætti landlæknis samkvæmt lögum nr. 34/2012 um heilbrigðisstarfsmenn, t.d. í hjúkrunarfræði, sjúkraliðafræði, iðjuþjálfun, þroskaþjálfun eða félagsráðgjöf.
Reynsla af störfum í málefnum aldraðra
Reynsla af sambærilegu starfi og stjórnun
Jákvæðni, framúrskarandi samskiptafærni og sjálfstæði í vinnubrögðum
Fagmennska og frumkvæði
Góð almenn tölvukunnátta
Góð íslensku- og enskukunnátta og hæfni til að tjá sig í ræðu og rit
Sveigjanleiki og þjónustulund

Laun eru greidd samkvæmt gildandi kjarasamningum Sambands íslenskra sveitarfélaga og viðeigandi stéttarfélags.

Suðurnesjabær er eitt fjögurra sveitarfélaga á Suðurnesjum og eru íbúar rúmlega 4.000 talsins. Suðurnesjabær er heilsueflandi samfélag og samanstendur af íbúakjörnunum Garði og Sandgerði. Sveitarfélagið er ört stækkandi en mikil uppbygging er framundan hjá sveitarfélaginu, fjölgun íbúa og spennandi tækifæri til framtíðar á svæðinu. Nánari upplýsingar má finna á heimasíðu sveitarfélagsins.

Umsóknarfrestur er til og með 11. júní 2025.

Umsókn óskast fyllt út á heimasíðu sveitarfélagsins www.sudurnejsabaer.is og henni skal fylgja yfirlit yfir nám og fyrri störf, afrit af leyfisbréfi til að nota starfsheitið kennari, kynningarbréf og greinargerð um framtíðarsýn umsækjanda á skólastarfið, upplýsingar um farsæl verkefni sem umsækjandi hefur leitt, upplýsingar um umsagnaraðila og annað er málið varðar.
Áhugasamir einstaklingar, óháð kyni, eru hvattir til að sækja um. Öllum umsóknum verður svarað þegar ákvörðun um ráðningu hefur verið tekin.

Nánari upplýsingar um starfið veita, Guðrún Björg Sigurðardóttir, sviðsstjóri velferðarsviðs [email protected], og Thelma Hrund Guðjónsdóttir, teymisstjóri stuðning- og stoðþjónustu [email protected] í síma 425-3000.