Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Skurðhjúkrunarfræðingur og hjúkrunarfræðingur á göngudeild augnsjúkdóma

Við óskum eftir að ráða skurðhjúkrunarfræðing og hjúkrunarfræðing í dagvinnu á göngudeild augnsjúkdóma á Eiríksgötu 5. Göngudeildin er miðstöð augnsjúkdóma í landinu og skiptist í göngudeild, dagdeild og skurðstofur. Starfið er laust nú þegar eða skv. samkomulagi.

Verkefnin eru fjölbreytt og fela í sér hjúkrun á sérhæfðum skurðstofum tengt aðgerðum á augum, öðrum störfum hjúkrunarfræðinga á göngudeild augnsjúkdóma og þátttöku í fjölþættum verkefnum deildarinnar. Á deildinni ríkir góður starfsandi og þverfaglegt samstarf. Við leitum eftir framsæknum og metnaðarfullum hjúkrunarfræðingum með áhuga á augnsjúkdómum og þróun fjölþættrar þjónustu deildarinnar.

Í boði er:

Fjölbreytt, tæknilegt og líflegt starf
Einstaklingsmiðuð starfsþjálfun
Starfsþróun með skipulagðri fræðslu
Möguleiki á að styðja við frekari starfsþjálfun með námsheimsókn/stuðning við sérnám í augnhjúkrun erlendis
Sérhæft starfsumhverfi þar sem ríkir góður starfsandi og þverfaglegt samstarf
Dagvinna, 60-100% starfshlutfall

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Menntunar- og hæfniskröfur

Íslenskt hjúkrunarleyfi

Viðbótarnám og reynsla í skurðhjúkrun er kostur

Faglegur metnaður og frumkvæði

Góð samskiptahæfni

Sjálfstæði í vinnubrögðum

Áhugi á að taka þátt í þróun verkferla og gæðaverkefna

Reynsla af hjúkrun augnsjúklinga er kostur

Góð íslenskukunnátta

Helstu verkefni og ábyrgð

Hjúkrun aðgerðarsjúklinga og önnur aðstoð á skurðstofu við augnaaðgerðir og lyfjagjafir í augu

Störf hjúkrunarfræðings í móttöku augnsjúklinga: Fræðsla, forskoðanir, sjónmælingar, sjónsviðsmælingar og augnbotnamyndatökur ásamt undirbúningi fyrir aðgerðir

Önnur tilfallandi verkefni

Starfshlutfall: 60-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun, dagvinna

Tungumálahæfni: Íslenska 4/5

Nánari upplýsingar

Bylgja Kærnested, [email protected], 825-5106

Anna Dagný Smith, [email protected], 825-3675

Göngudeild augnsjúkdóma

Eiríksgata 5

101 Reykjavík

Auglýsing birt19. maí 2025

Umsóknarfrestur3. júní 2025

Tungumálahæfni

Íslenska

Nauðsyn

Mjög góð

Staðsetning

Eiríksgata 5, 101 Reykjavík

Starfstegund

Starfsgreinar

Starfsmerkingar

Fleiri störf (50)