Laus störf Hæfnileit Vinnustaðir Námskeið

66°North

Sjóklæðagerðin hf. betur þekkt sem 66°Norður er eitt elsta framleiðslufyrirtæki Íslands. Árið 1926 hóf fyrirtækið framleiðslu á sérstökum hlífðarfatnaði fyrir sjómenn og fiskverkunarfólk á norðurslóðum en seinna bættist við vörulínu fyrirtækisins vinnufatnaður fyrir fólk í landi. Rætur fyrirtækisins liggja því í framleiðslu sjó- og vinnufatnaðar og er fyrirtækið afar stolt af þeirri arfleifð sinni. Í dag er hönnun og framleiðsla útivistarfatnaðar kjarninn í starfsemi fyrirtækisins sem framleiddur er undir vörumerkinu 66°Norður en fyrirtækið leggur mikið upp úr gæðum vörunnar þar sem eingöngu eru notuð bestu fáanlegu efnin í framleiðsluna. Í dag starfa um 400 manns hjá 66°Norður og starfar fyrirtækið í fjórum löndum, á Íslandi, í Danmörku, Bretlandi og Lettlandi.

Vinnustaðurinn

Verkefnastjóri vörugagna hjá 66°Norður

66°Norður leitar að skipulögðum og drífandi verkefnastjóra grunngagna (e. Master Data Coordinator) í rekstrarteymi fyrirtækisins (e. Operations). Um er að ræða nýtt hlutverk sem reynir á ríkt frumkvæði og drifkraft til að byggja upp nýja ferla og skilgreina þarfir gagna þvert á starfsemi fyrirtækisins.

Viðkomandi hefur yfirumsjón með því að grunngögn vara (e. product master data) séu áreiðanleg, rétt og aðgengileg. Starfið felur í sér ábyrgð á samræmingu gagna allt frá hönnun og framleiðslu yfir í flutning vara, markaðsefni og vefverslun.

Starfið býður upp á einstakt tækifæri til að vinna í alþjóðlegu og metnaðarfullu umhverfi, hafa raunveruleg áhrif á starfsemi fyrirtækisins og leiða áfram þróun stafrænna innviða 66°Norður.

Um er að ræða tímabundna stöðu til eins árs. Að ráðningartímanum loknum getur komið til framlengingar eða áframhaldandi ráðningar, með hliðsjón af framvindu verkefnisins og frammistöðu í starfi.

Helstu verkefni og ábyrgð

Mótun, uppbygging og innleiðing á nýjum ferlum er varða umsjón og meðhöndlun grunngagna fyrirtækisins.

Greining og skilgreining á gagnaþörfum ólíkra deilda til að tryggja að réttum gagnaflokkum sé safnað á réttum tíma.

Gæðastýring og eftirfylgni þess að öll grunngögn vöru séu tæmandi og rétt við lok hvers tímabils (e. seasonal gates).

Stöðug vöktun á gæðum gagna og úrlausn á vöntun eða misræmi upplýsinga í samstarfi við viðkomandi deildir.

Skipulagning og stýring á samstarfsfundum á milli deilda til að útdeila ábyrgð á gagnasöfnun og tryggja að tímalínum sé fylgt.

Umsjón með innleiðingu á sjálfvirkum kerfum og vöktunartólum til að tilkynna hagsmunaaðilum um breytingar sem hafa áhrif á þeirra verksvið. Hanna og setja upp sjálfvirkar keyrslur með tilkynningum sem tryggja gæði gagna.

Virk miðlun upplýsinga og samstarf þvert á allar deildir svo sem hönnun, framleiðslu, markaðsdeild og vefverslun til að tryggja „eina uppsprettu sannleikans“ (e. single source of truth).

Menntunar- og hæfniskröfur

Menntun eða reynsla sem nýtist í starfi (t.d. á sviði verkefnastjórnunar eða gagnastýringar).
Góð reynsla af SQL og hagnýtri gagnavinnslu er skilyrði.
Reynsla af ERP- eða PIM-kerfum er mikill kostur.

Frumkvæði, framkvæmdagleði og hæfni til að vinna algerlega sjálfstætt.

Skýr „hands-on“ nálgun með drifkraft til að kafa ofan í gögnin, skilgreina gagnaþarfir og byggja upp ferla frá grunni.

Framúrskarandi skipulagshæfni, nákvæmni í vinnubrögðum og geta til að tileinka sér ný kerfi og svið hratt.
Einstök samskiptahæfni, lagni við að leiða fólk saman og fylgja eftir tímalínum þvert á ólíkar deildir.
Gagnadrifin nálgun á verkefni og ríkur skilningur á mikilvægi gagnagæða fyrir starfsemi fyrirtækisins.