Tæknistjóri eftirlitskerfa

Ert þú með brennandi áhuga á upplýsingatækni, öryggismyndavélum og eftirlitskerfum?

Þá gæti þetta verið starfið fyrir þig...

Þjónustu- og nýsköpunarsvið leitar að metnaðarfullum tæknistjóra eftirlitskerfa til starfa hjá upplýsingatækniþjónustu Reykjavíkurborgar. Ábyrgðarsvið tæknistjóra eftirlitskerfa er að tryggja uppitíma, áreiðanleika, öryggi og rekstur á myndavéla-, öryggis-, aðgangsstýringar og innbrotakerfum. Viðkomandi sinnir innleiðingu og vali á nýjum kerfum og tæknilausnum ásamt öðrum verkefnum sem styðja við þá þjónustu sem UT-þjónustan veitir. Tæknistjóra eftirlitskerfa ber einnig ábyrgð á samningum um útvistun reksturs á fyrrnefndum kerfum og tryggir að þjónustusalar uppfylli allar sínar skyldur er samningar kveða á um. Tryggir hlítingu við persónuverndarlög og reglur um rafræna vöktun.

Helstu verkefni og ábyrgð

Sem tæknistjóri eftirlitskerfa munt þú...

Kortleggja núverandi eftirlitskerfi (myndavéla-, öryggis-, aðgangsstýringar- og innbrotakerfi) og viðhalda kerfismyndum
Koma að hönnun, uppbyggingu, þróun, umsjón, daglegum rekstri og viðhaldi á eftirlitskerfum
Fylgja gæða- og öryggisferlum og stöðlum sem settir hafa verið, og koma að þróun þeirra
Taka þátt í framtíðarþróun á innviðum upplýsingatækni og stafrænni umbreytingu
Samræma miðstýringu og þróa verklag er varðar innkaup, uppsetningu, staðsetningu og notkun á búnaði
Taka þátt í upplýsingatæknitengdum verkefnum sem ráðgjafi að þeim atriðum sem snúa að rekstri eftirlitskerfa
Taka þátt í verkefnum tengdum nýsköpun og stafrænni umbreytingu borgarinnar
Styðja við útboðsgerð
Taka þátt í og móta upplýsingatæknistefnu borgarinnar
Hafa umsjón með og fylgja eftir þjónustusamningum
Eiga í samskiptum við mismunandi hagsmunaaðila innan og utan borgarinnar
Vera í samstarfi við tækniarkitekta, þjónustuaðila, verktaka, birgja og eftirlitsaðila

Menntunar- og hæfniskröfur

Háskólamenntun sem nýtist í starfi eða önnur sambærileg menntun eða reynsla
Marktæk reynsla af rekstri tækniumhverfa
Leiðtogafærni og reynsla af stjórnun verkefna í upplýsingatækni
Farsæl reynsla af teymisvinnu
Góð hæfni í framsetningu á tæknilega flóknu efni á einfaldan hátt
Mikil hæfni í að tileinka sér nýjungar í upplýsingatækni
Framúrskarandi hæfni í mannlegum samskiptum og rík þjónustulund
Drifkrafftur, frumkvæði, og metnaður til að ná árangri í starfi
Sjálfstæð og skipulögð vinnubrögð
Víðsýni og lausnamiðuð hugsun og jákvætt viðhorf
Góð íslensku- og enskukunnátta í rituðu og töluðu máli
Jákvætt viðhorf til jafnréttis og fjölbreytileika

Þjónustu- og nýsköpunarsvið er fyrsta flokks vinnustaður þar sem góð liðsheild og virðing einkennir menninguna. Við leggjum mikið upp úr faglegu umhverfi þar sem frumkvæði og þori er fagnað. Verkefnin eru krefjandi og skemmtileg og enn betra er að þau stuðla að því að einfalda og bæta líf borgarbúa og starfsfólks borgarinnar.

Á dögunum vann þjónustu og nýsköpunarsvið til UT-verðlauna Ský 2025 í flokknum stafræn opinber þjónusta.

Þjónustu- og nýsköpunarsvið er regnbogavottaður vinnustaður. Markmið með regnbogavottun borgarinnar er að gera starfsemi hennar hinseginvænni, bæði fyrir starfsfólk og þjónustuþega og einnig koma í veg fyrir beina og óbeina mismunun í garð hinsegin fólks.

Við bjóðum upp á

Fyrsta flokks vinnustað og vinnuaðstöðu
Niðurgreitt mötuneyti sem býður upp á fjölbreyttan og hollan mat
Krefjandi og skemmtileg verkefni sem stuðla að því að einfalda og bæta líf starfsfólks og borgarbúa
Öfluga nýliðamóttöku
Sálrænt öryggi og skapandi menningu
Góða liðsheild og góð samskipti
Samkennd og virðing
Þekkingarumhverfi
Fjölbreytta þjálfun og möguleika á þróun í starfi
Áherslu á jafnrétti og fjölbreytileika
Heilsueflandi vinnustað
Gott vinnuumhverfi
30 daga í sumarleyfi
36 stunda vinnuviku
Heilsu- og samgöngustyrk
Sundkort
Menningarkort

Æskilegt er að viðkomandi geti hafið störf sem fyrst.

Umsóknarfrestur er til 4. maí nk. Nánari upplýsingar um starfið veitir Eiríkur Baldur Þorsteinsson deildarstjóri tænireksturs í gegnum tölvupóstfangið [email protected]. Með umsókn skal fylgja náms- og starfsferilskrá ásamt kynningarbréfi á íslensku þar sem umsækjandi gerir grein fyrir áhuga og hæfni í starfið.

Öllum umsóknum verður svarað þegar tekin hefur verið ákvörðun um ráðningu. Ákvörðun um ráðningu byggist á innsendum gögnum ásamt frammistöðu í viðtölum. Allir áhugasamir einstaklingar, óháð kyni, eru hvattir til að sækja um starfið.

Umsóknir geta gilt í 6 mánuði eftir að umsóknarfrestur rennur út. Launakjör eru samkvæmt kjarasamningi Reykjavíkurborgar og viðkomandi stéttarfélags.

Reykjavíkurborg er skapandi og metnaðarfullur vinnustaður ásamt því að vera sá stærsti á Íslandi.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir borgarinnar endurspegli það margbreytilega samfélag sem borgin er.

Auglýsing birt17. apríl 2026

Umsóknarfrestur4. maí 2026

Tungumálahæfni