Tæknimaður í eignaumsjón

Hefur þú gaman af tölvum og tæknidóti?

Þá gæti þetta verið starfið fyrir þig...

Þjónustu- og nýsköpunarsvið leitar að tæknimanni sem hefur umsjón með heildarferli upplýsingatæknibúnaðar borgarinnar - frá móttöku og skráningu til afhendingar og förgunar. Starfið felur jafnframt í sér þjónustu við notendur, afgreiðslu beiðna í beiðnakerfi og úrlausn tæknilegra mála.

Við leitum að einstaklingi sem hefur reynslu af því að vinna með tölvur og annan upplýsingatæknibúnað, getur sinnt forgreiningum og bilanagreiningum, skipt um helstu varahluti eða greint minniháttar bilanir áður en búnaður fer í frekara mat.

Ef þú hefur áhuga á því að vinna á faglegum og metnaðarfullum vinnustað með fullt af tæknidóti og snúrum, þar sem lögð er áhersla á umbætur, nýsköpun og góða þjónustu, þá er þetta starfið fyrir þig.

Helstu verkefni og ábyrgð

Sem tæknimaður í eignaumsjón munt þú...

Hafa umsjón með móttöku, skráningu, uppsetningu, geymslu og afhendingu búnaðar
Hafa eftirlit með birgðum, eignum og skráningum þeim tengdum
Afgreiða beiðnir sem tengjast búnaði og þjónustu eignaumsjónar
Þjónusta notendur og leysa einföld tæknileg mál
Veita upplýsingar, eiga í samskiptum og fylgja eftir málum við stjórnendur um málefni deildarinnar
Eiga samskipti við birgja og þjónustuaðila
Forgreina, bilanagreina og vinna að grunnviðgerðum á búnaði

Menntunar- og hæfniskröfur

Stúdentspróf
Menntun tengd tölvubúnaði, kerfisfræði, rafmagns- eða tölvubraut eða sambærilegt er kostur
Mjög góð almenn tölvukunnátta og tækniþekking
Framúrskarandi hæfni í mannlegum samskiptum og rík þjónustulund
Hagnýt færni í meðhöndlun tölvubúnaðar
Hæfni til greiningar- og skipulagsvinnu
Drifkraftur, frumkvæði og metnaður í starfi
Sjálfstæð vinnubrögð og góð skipulagshæfni
Góð íslensku- og enskukunnátta í rituðu og töluðu máli
Jákvætt viðhorf til jafnréttis og fjölbreytileika

Þjónustu- og nýsköpunarsvið er fyrsta flokks vinnustaður þar sem góð liðsheild og virðing einkennir menninguna. Við leggjum mikið upp úr faglegu umhverfi þar sem frumkvæði og þori er fagnað. Verkefnin eru krefjandi og skemmtileg og enn betra er að þau stuðla að því að einfalda og bæta líf borgarbúa og starfsfólks borgarinnar.

Á dögunum vann þjónustu og nýsköpunarsvið til UT-verðlaun Ský 2025 í flokknum stafræn opinber þjónusta.

Þjónustu- og nýsköpunarsvið er regnbogavottaður vinnustaður. Markmið með regnbogavottun Reykjavíkurborgar er að gera starfsemi Reykjavíkurborgar hinseginvænni, bæði fyrir starfsfólk og þjónustuþega og einnig koma í veg fyrir beina og óbeina mismunun í garð hinsegin fólks.

Við bjóðum upp á

Fyrsta flokks vinnustað
Niðurgreitt mötuneyti sem býður upp á fjölbreyttan og hollan mat
Verkefni sem stuðla að því að einfalda og bæta líf starfsfólks og borgarbúa
Krefjandi og skemmtileg verkefni
Öfluga nýliðamóttöku
Sálrænt öryggi og skapandi menningu
Góða liðsheild og góð samskipti
Samkennd og virðing
Þekkingarumhverfi
Fjölbreytta þjálfun og möguleika á þróun í starfi
Áherslu á jafnrétti og fjölbreytileika
Heilsueflandi vinnustað
Gott vinnuumhverfi
Fyrsta flokks vinnuaðstöðu
Heilsu- og samgöngustyrk
Sundkort
Menningakort

Æskilegt er að viðkomandi geti hafið störf sem fyrst.

Umsóknarfrestur er til 8. maí n.k. Nánari upplýsingar um starfið veitir Fjóla Kristín Traustadóttir deildarstjóri tækniþjónustu í gegnum tölvupóstfangið [email protected]. Með umsókn skal fylgja náms- og starfsferilskrá ásamt kynningarbréfi á íslensku þar sem umsækjandi gerir grein fyrir áhuga og hæfni í starfið.

Öllum umsóknum verður svarað þegar tekin hefur verið ákvörðun um ráðningu. Ákvörðun um ráðningu byggist á innsendum gögnum ásamt frammistöðu í viðtölum. Allir áhugasamir einstaklingar, óháð kyni, eru hvattir til að sækja um starfið.

Umsóknir geta gilt í 6 mánuði eftir að umsóknarfrestur rennur út. Launakjör eru samkvæmt kjarasamningi Reykjavíkurborgar og viðkomandi stéttarfélags.

Reykjavíkurborg er skapandi og metnaðarfullur vinnustaður ásamt því að vera sá stærsti á Íslandi.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir borgarinnar endurspegli það margbreytilega samfélag sem borgin

Auglýsing birt17. apríl 2026

Umsóknarfrestur8. maí 2026

Tungumálahæfni