Laus störf Hæfnileit Vinnustaðir Námskeið

Sumarstörf - Kópavogsbær

Kópavogsbær býður upp á fjölbreytt sumarstörf á hverju ári fyrir 18 ára og eldri. Í boði eru m.a. störf í Þjónustumiðstöð, garðyrkju, skógrækt, sundlaugum, íþróttavöllum, sumarnámskeiðum fyrir börn, skapandi sumarstörf og á bæjarskrifstofum svo eitthvað sé nefnt.

Vinnustaðurinn

Sumarstarf - Fullt starf í Kópavogslaug

Laus eru til umsóknar sumarstörf í Kópavogslaug

Kópavogslaug er staðsett í vesturbæ Kópavogs stutt frá Hamraborginni og er einn stærsti sundstaður landsins. Þar eru sundlaugar úti og inni, ásamt heitum pottum, köldum potti, gufubaði og rennibrautum. Hjá lauginni eru á fjórða tug starfsmanna, 7 til 10 starfsmenn á hverri vakt.

Laugin er opin virka daga frá kl. 06:30 til 22:00 og um helgar frá 08.00 til 20.00. Vinnan hefst 15 mínútum fyrir opnun og lýkur 30 mínútum eftir lokun. Unnið er á tveimur vöktum virka daga en einni vakt um helgar.

Sundlaug Kópavogs auglýsir eftir sumarstarfsfólki til starfa bæði í fullt starf sem og helgarstarf.

Allt starfsfólk fær kennslu í skyndihjálp, björgun og fleiru.

Helstu verkefni og ábyrgð

Laugarvarsla sem felst í öryggiseftirliti og þrifum við laugar bæði úti og inni.
Baðvarsla sem einkum er fólgin í þrifum í bað- og búningsklefum auk öryggisgæslu á þeim stöðum.
Afgreiðsla þar sem sala í laug og á ýmsum vörum fer fram, símsvörun, upplýsingagjöf, þrif og öryggiseftirlit.

Menntunar- og hæfniskröfur

Starfsfólk verður að vera orðið 20 ára.
Allgóð sundkunnátta er áskilin, því laugarverðir verða að standast sundpróf, sem er svipað og 10. sundstig grunnskóla.
Stundvísi, vinnusemi og samviskusemi.
Góð samstarfshæfni og þjónustulund.
Hreint sakavottorð.
Kópavogslaug er reyklaus vinnustaður.
Góð íslenskukunnátta.

Áríðandi er að upplýsingar um meðmælendur fylgi umsókninni.

Starfshlutfall er 100%.

Starfstímabil frá um miðjum maí til fyrri eða síðari hluta ágúst.

Námskeið og þjálfun fara fram dagana 18. til 21. maí.

Umsóknarfrestur er til og með 5. febrúar.

Erum einnig að leita að sumarstarfsmönnum í helgarvinnu Sumarstarf - Helgarvinna í Kópavogslaug | Sumarstörf - Kópavogsbær

Launakjör eru samkvæmt kjarasamningi Sambands íslenskra sveitarfélaga og Starfsmannafélags Kópavogs.

Nánari upplýsingar gefur Jakob Þorsteinson forstöðumaður í netfanginu [email protected].

Tekið er við umsóknum í gegnum ráðningarvef Alfreðs.

Auglýsing birt16. janúar 2026

Umsóknarfrestur5. febrúar 2026

Tungumálahæfni

Íslenska

Nauðsyn

Mjög góð

Staðsetning

Borgarholtsbraut 17, 200 Kópavogur

Starfstegund

Hæfni

AfgreiðslaReyklausSamviskusemiStundvísiSundÞjónustulundÞrif

Vinnuumhverfi

Starfsgreinar

Starfsmerkingar

Fleiri störf (23)