Sérfræðingur þjálfunar- og gæðamála

Við hjá Isavia leitum að öflugum sérfræðingi sem hefur metnað til að styðja við örugga, faglega og samræmda framkvæmd innan deilda sem sinna flugvernd í samræmi við gildandi reglur og gæðaviðmið.

Um starfið

Sérfræðingur í þjálfunar- og gæðamálum ber ábyrgð á skipulagi, samræmingu og eftirfylgni með þjálfun, gæðamálum og innra eftirliti innan deilda sem sinna flugvernd. Starfið felur í sér náið samstarf við vottaða leiðbeinendur, þjálfunarteymi og aðra lykilaðila innan starfseminnar, með það að markmiði að tryggja stöðugar umbætur og faglega framkvæmd flugverndar.

Helstu verkefni:

• Umsjón og utanumhald með þjálfun og innra eftirliti flugverndar
• Samræming og eftirfylgni með störfum vottaðra leiðbeinenda
• Skipulagning og samræming þjálfunar innan flugverndardeilda
• Þarfagreining á sviði þjálfunar- og gæðamála
• Umsjón með gæðamálum, gæðakerfum og eftirfylgni umbóta
• Undirbúningur, framkvæmd og eftirfylgni innra eftirlits
• Stuðningur við þróun og innleiðingu verklags og umbótaverkefna
• Virkt samstarf við þjálfunarteymi og aðra lykilaðila innan Isavia

Hæfniskröfur:

• Háskólamenntun sem nýtist í starfi
• Reynsla af þjálfunarmálum og/eða gæðastjórnun
• Þekking á regluverki og kröfum sem gilda um flugvernd eða sambærilega starfsemi
• Geta til að greina þjálfunar- og gæðatengdar þarfir og fylgja eftir umbótum
• Reynsla af vinnu með ferla, verklag og gæðakerfi
• Góð samskipta- og samhæfingarhæfni í samstarfi við ólíka hagaðila
• Sjálfstæð, skipulögð og fagleg vinnubrögð
• Góð íslensku- og enskukunnátta í ræðu og riti

Starfsstöð er á Keflavíkurflugvelli.

Isavia er vinnustaður þar sem við sýnum hvert öðru virðingu og erum heiðarleg gagnvart sjálfum okkur og öðrum. Við gætum þess að viðhalda gleðinni, erum hugrökk, uppbyggileg og tökum ábyrgð á eigin frammistöðu. Saman náum við árangri.

Við bjóðum upp á hollan og góðan mat í mötuneytum okkar og allt starfsfólk hefur aðgang að heilsu- og líkamsræktarstöðvum sér að kostnaðarlausu.

Umsóknarfrestur er til og með 4.maí 2026.

Nánari upplýsingar um starfið veita Sigurpáll D. Eðvarðsson, deildarstjóri Eftirlits og Gátstöðva, í gegnum netfangið [email protected] og Guðmundur Skúlason, deildarstjóri Öryggisleitar, í gegnum netfangið [email protected].

Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið.

Við hvetjum áhugasama aðila, án tillits til kyns og uppruna, til að sækja um.