Laus störf Hæfnileit Vinnustaðir Námskeið

Umhverfis- og orkustofnun

Umhverfis- og orkustofnun tók til starfa 1. janúar 2025. Stofnunin tók við starfsemi Orkustofnunar og hluta af starfsemi Umhverfisstofnunar. Umhverfis- og orkustofnun fer með stjórnsýslu loftslags-, umhverfis- og orkumála og málefni auðlindanýtingar. Þar á meðal eru verkefni í fjölbreyttum málaflokkum: Efnamál Eftirlit Haf og vatn Hringrásarhagkerfi Loftgæði Loftslags- og orkusjóður Losunarheimildir Orkuskipti Orkunýtni Starfsemin fer fram á sex starfsstöðvum um allt land en bæði á Borgum á Akureyri og á Suðurlandsbraut í Reykjavík er starfað í verkefnamiðuðu vinnuumhverfi. Starfsstöðvarnar okkar eru: Akureyri, Mývatnssveit, Egilsstaðir, Selfoss, Reykjavík og Hvanneyri.

Vinnustaðurinn

Sérfræðingur í umhverfismálum hafsins

Laust er til umsóknar starf sérfræðings hjá Umhverfis- og orkustofnun. Starfið felst í verndun hafs og stranda gegn mengun og athöfnum sem geta stofnað lífríki og heilbrigði manna í hættu. Um er að ræða fjölbreytt og spennandi verkefni sem varða m.a. framkvæmd laga og alþjóðasamninga um mengunarvarnir skipa sem tengjast loftslagsmálum, orkuskiptum og nýsköpunarverkefnum. Sérfræðingurinn mun einnig starfa í viðbragðshópi vegna bráðamengunar á hafi. Starfið felur í sér þátttöku í alþjóðasamstarfi um umhverfismál bæði hjá Siglingastofnun Evrópu (EMSA) og Alþjóðasiglingamálastofnuninni (IMO) auk nánu samstarfi við innlendar fagstofnanir og hagaðila.

Sérfræðingurinn mun starfa í teymi hafs- og vatns á sviði umhverfisgæða þar sem lögð er áhersla á fagmennsku, framsýni og árangur í þverfaglegri samvinnu.

Helstu verkefni og ábyrgð

Málefni er varða varnir gegn mengun frá skipum
Viðbrögð við bráðamengun hafs og strand
Verkefni er tengjast mengun og athöfnum á hafsvæðum
Erlent og innlent samstarf sem tengist málefnum hafsins

Menntunar- og hæfniskröfur

Háskólamenntun á sviði náttúruvísinda, verkfræði/ tæknifræði eða sambærileg menntun og reynsla sem nýtist í starfi
Þekking á opinberri stjórnsýslu og reynsla úr alþjóðastarfi er kostur
Þekking á skipum og umhverfismálefnum hafsins er kostur
Skipulögð og sjálfstæð vinnubrögð og geta til að sýna frumkvæði
Hæfni til að greina og rita texta sem varða tæknileg málefni
Góð samstarfshæfni og sveigjanleiki í samskiptum
Stafræn hæfni
Gott vald á íslensku og ensku bæði í ræðu og riti
Haldbær þekking á einu Norðurlandamáli er kostur

Spennandi verkefni og gott vinnuumhverfi

Umhverfis- og orkustofnun fer með stjórnsýslu og eftirlit á sviði loftslags-, umhverfis- og orkumála og málefni auðlindanýtingar. Verkefni stofnunarinnar eru fjölbreytt og starfsumhverfið er metnaðarfullt. Við viljum laða að öflugt fagfólk sem leggur áherslu á stöðugar umbætur, stafræna þróun og miðlun. Umhverfis- og orkustofnun leggur áherslu á heilsu, öryggi og vellíðan og góð skilyrði fyrir starfsfólk til að þróast og eflast í starfi. Starfsaðstaða er víða í verkefnamiðuðu vinnuumhverfi og við viljum hlýlegt andrúmsloft fyrir allt starfsfólk. Við erum með 36 stunda vinnuviku og sveigjanlegan vinnutíma. Sjá nánari upplýsingar um Umhverfis- og orkustofnun á uos.is.

Starfsstöðvar kringum landið
Starfsstöðvar okkar eru á Akureyri, Egilsstöðum, Selfossi og í Reykjavík. Unnið er að því að opna starfsstöð í Borgarnesi. Fólkið okkar getur valið starfsstöð. Gott vinnuumhverfi er okkar markmið, á öllum starfsstöðvum.

Næsti yfirmaður sérfræðingsins er Lilja Ólafsdóttir sviðsstjóri, en Hólmfríður Þorsteinsdóttir teymisstjóri veitir einnig nánari upplýsingar um starfið auk Þóru Margrétar Pálsdóttur Briem mannauðsstjóra í síma 569 6000.

Laun eru samkvæmt kjarasamningi fjármála- og efnahagsráðherra og hlutaðeigandi stéttarfélags.

Umsókn þarf að fylgja ferilskrá og kynningarbréf á íslensku, þar sem gerð er grein fyrir ástæðu umsóknar og hæfni umsækjanda í starfið.

Gagnkvæmur reynslutími er sex mánuðir við ráðningu. Æskilegt er að sérfræðingurinn geti hafið störf sem fyrst. Umsóknir geta gilt í 6 mánuði frá því að umsóknarfrestur rennur út.

Við hvetjum áhugasöm til að sækja um, óháð kyni og uppruna.

Auglýsing birt13. febrúar 2026

Umsóknarfrestur23. febrúar 2026

Tungumálahæfni