Laus störf Hæfnileit Vinnustaðir Námskeið

Umhverfis- og orkustofnun

Umhverfis- og orkustofnun tók til starfa 1. janúar 2025. Stofnunin tók við starfsemi Orkustofnunar og hluta af starfsemi Umhverfisstofnunar. Umhverfis- og orkustofnun fer með stjórnsýslu loftslags-, umhverfis- og orkumála og málefni auðlindanýtingar. Þar á meðal eru verkefni í fjölbreyttum málaflokkum: Efnamál Eftirlit Haf og vatn Hringrásarhagkerfi Loftgæði Loftslags- og orkusjóður Losunarheimildir Orkuskipti Orkunýtni Starfsemin fer fram á sex starfsstöðvum um allt land en bæði á Borgum á Akureyri og á Suðurlandsbraut í Reykjavík er starfað í verkefnamiðuðu vinnuumhverfi. Starfsstöðvarnar okkar eru: Akureyri, Mývatnssveit, Egilsstaðir, Selfoss, Reykjavík og Hvanneyri.

Vinnustaðurinn

Lögfræðingur - loftslag og loftgæði

Umhverfis- og orkustofnun annast framkvæmd viðskiptakerfis Evrópusambandsins með losunarheimildir fyrir Íslands hönd. Flugrekendum, rekstraraðilum í staðbundnum iðnaði og skipafélögum er skylt að afla losunarheimilda vegna losunar gróðurhúsalofttegunda sem fellur undir gildissvið viðskiptakerfisins. Einnig hefur stofnunin umsjón með losunarbókhaldi Íslands fyrir losun gróðurhúsalofttegunda og loftmengunarefna og tryggir að bókhaldið standist evrópskar og alþjóðlegar kröfur.

Laust er starf lögfræðings í loftslags- og loftgæðamálum. Um er að ræða afleysingu til eins árs. Lögfræðingurinn mun starfa í öflugum teymum á sviði loftslagsmála þar sem áhersla er lögð á þverfaglega samvinnu. Starfssvið lögfræðingsins felst í vinnu með sérfræðingum að greiningu og úrlausn lögfræðilegra og stjórnsýslulegra álitamála í loftslags- og loftgæðamálum. Í boði er krefjandi starf í frjóu umhverfi sérfræðinga þar sem áhersla er lögð á fagmennsku, framsýni og virðingu. Mikil samskipti eru við evrópskar og alþjóðlegar stofnanir. Lögfræðingurinn mun taka þátt í samstarfi við ráðuneyti, aðrar ríkisstofnanir, hagsmunaaðila, sveitarfélög, fyrirtæki og samtök þeirra.

Helstu verkefni og ábyrgð

Greining og úrlausn lögfræðilegra og stjórnsýslulegra álitamála.
Eftirlit með framkvæmd viðskiptakerfis ESB með losunarheimildir, beiting þvingunarúrræða og ritun stjórnvaldsákvarðana eftir því sem við á.
Greining á löggjöf Evrópusambandsins í loftslags- og loftgæðamálum
Undirbúningur reglugerða í samvinnu við sérfræðinga stofnunarinnar og umhverfis-, orku- og loftslagsráðuneytið.
Umsagnir um lagafrumvörp og önnur mál í samráðsgátt stjórnvalda eða önnur þingmál og umsagnir í kæru- og dómsmálum. Einnig gerð tillagna að breytingum á lögum og reglugerðum.
Evrópusamstarf hvað varðar viðskiptakerfi ESB með losunarheimildir og loftgæðamál. Önnur tilfallandi þátttaka í starfshópum og nefndum á málefnasviði lögfræðings
Fræðsla og ráðgjöf um lögfræðileg efni.

Menntunar- og hæfniskröfur

Menntun á sviði lögfræði með áherslu á umhverfismál. Meistarapróf eða fullnaðarpróf í lögfræði er skilyrði.
Þekking á umhverfis- og loftslagsmálum, þ. á m. viðskiptakerfi ESB með losunarheimildir er kostur.
Þekking og/eða reynsla af EES-rétti og reglum EES-samningsins um umhverfisvernd er kostu
Þekking og reynsla af opinberri stjórnsýslu er kostur
Stafræn verkefni – þekking og geta til að sýna frumkvæði
Gott vald á íslensku og ensku bæði í ræðu og riti
Góð samstarfshæfni og sveigjanleiki í samskiptum
Skipulögð og sjálfstæð vinnubrögð
Haldbær þekking á einu Norðurlandamáli er kostur

Spennandi verkefni og gott vinnuumhverfi

Umhverfis- og orkustofnun fer með stjórnsýslu og eftirlit á sviði loftslags-, umhverfis- og orkumála og málefni auðlindanýtingar. Verkefni stofnunarinnar eru fjölbreytt og starfsumhverfið er metnaðarfullt. Við viljum laða að öflugt fagfólk sem leggur áherslu á stöðugar umbætur, stafræna þróun og miðlun. Umhverfis- og orkustofnun leggur áherslu á heilsu, öryggi og vellíðan og góð skilyrði fyrir starfsfólk til að þróast og eflast í starfi. Starfsaðstaða er víða í verkefnamiðuðu vinnuumhverfi og við viljum hlýlegt andrúmsloft fyrir allt starfsfólk. Við erum með 36 stunda vinnuviku og sveigjanlegan vinnutíma. Sjá nánari upplýsingar um Umhverfis- og orkustofnun á uos.is.

Starfsstöðvar kringum landið
Starfsstöðvar Umhverfis- og orkustofnunar eru á Akureyri, Egilsstöðum, Selfossi og í Reykjavík. Unnið er að því að opna starfsstöð í Borgarnesi. Starfsfólk okkar getur valið starfsstöð. Gott vinnuumhverfi er okkar markmið, á öllum starfsstöðvum.

Næsti yfirmaður sérfræðingsins er Auður H Ingólfsdóttir sviðsstjóri, en upplýsingar um starfið veitir auk hennar Þóra Margrét Pálsdóttir Briem mannauðsstjóri. Hægt er að hafa samband í síma 569 6000.

Laun eru samkvæmt kjarasamningi fjármála- og efnahagsráðherra og hlutaðeigandi stéttarfélags.

Umsókn þarf að fylgja ferilskrá og kynningarbréf á íslensku, þar sem gerð er grein fyrir ástæðu umsóknar og hæfni umsækjanda í starfið.

Gagnkvæmur reynslutími er einn mánuður í tímabundnu starfi. Æskilegt er að sérfræðingurinn geti hafið störf sem fyrst. Umsóknir geta gilt í 6 mánuði frá því að umsóknarfrestur rennur út.

Við hvetjum áhugasöm til að sækja um, óháð kyni og uppruna.

Auglýsing birt13. febrúar 2026

Umsóknarfrestur23. febrúar 2026

Tungumálahæfni