Laus störf Hæfnileit Vinnustaðir Námskeið

Sýslumaðurinn á Norðurlandi vestra

Sýslumaðurinn á Norðurlandi vestra er framsækin stjórnsýslu- og þjónustustofnun sem fer með framkvæmdarvald ríkisins innan umdæmis síns auk þess að sinna viðamiklum sérverkefnum á landsvísu; rekstri innheimtumiðstöðvar og framkvæmd laga um sjóði og stofnanir sem starfa samkvæmt staðfestri skipulagsskrá.

Vinnustaðurinn

Löglærður fulltrúi

Starf löglærðs fulltrúa við sýslumannsembættið á Norðurlandi vestra er laust til umsóknar. Starfsstöð er á Blönduósi og starfshlutfall 100%.

Helstu verkefni og ábyrgð

Um er að ræða verkefni á sviði fullnustu og innheimtu, auk annarra tilfallandi verkefna á starfssviði embættisins. Starfið felst í faglegri ábyrgð á tilgreindum sviðum, skipulagningu og aðlögun verkefna, þátttöku í gerð verkferla, töku stjórnvaldsmála, leiðsögn til starfsmanna, o.fl. Í boði er áhugavert og fjölbreytt starf innan stofnunar í stöðugri þróun. Starfið krefst ríklegra samstarfshæfni og getið til að sýna frumkvæði og sjálfstæði í starfi. Um er að ræða ótímabundna ráðningu með 6 mánaða reynslutíma. Æskilegt er að umsækjendur geti hafið störf 1. apríl nk eða sem næst því.

Menntunar- og hæfniskröfur

Embættis- eða meistarapróf í lögfræði og önnur skilyrði 2. mgr. 3. gr. sbr. 2. ml. 2. mgr. 5. gr. l. nr. 50/2014
Geta til að vinna sjálfstætt og sýna frumkvæði í starfi er skilyrði
Framúrskarandi hæfni í mannlegum samskiptum, jákvætt viðmót og samvinnufærni er skilyrði
Starfsreynsla sem nýtist í starfi er kostur
Þekking á verkefnum sýslumanna og opinberri stjórnsýslu er kostur
Nákvæmni og ögun í vinnubrögðum
Mjög góð tölvukunnátta
Mjög gott vald á íslensku og ensku og færni til að tjá sig í ræðu og riti
Þekking á einu Norðurlandamáli er kostur
Almenn ökuréttindi

Við leitum að áreiðanlegum starfsmanni til að leiða og þróa mikilvæga málaflokka í starfsemi embættisins. Horft verður til þess að umsækjandi falli sem best að þörfum starfsstöðvarinnar og embættisins í heild.

Sýslumaðurinn á Norðurlandi vestra er framsækin stjórnsýslu- og þjónustustofnun sem fer með framkvæmdarvald ríkisins innan umdæmis síns auk þess að sinna viðamiklu sérverkefni á landsvísu; rekstri innheimtumiðstöðvar.

Umsókn um starfið skal fylgja afrit prófskírteina, ítarleg starfsferilsskrá og kynningarbréf. Í umsóknargögnum skal gerð grein fyrir ástæðum umsóknar og rökstuðningi fyrir hæfni viðkomandi í starfið ásamt upplýsingum um meðmælendur, auk annarra atriða sem máli kunna að skipta. Þar sem verkefni embættisins tengjast náið störfum lögreglu er gert ráð fyrir að umsækjendur veiti embættinu, með skýrum hætti í kynningarbréfi sínu, heimild til uppflettingar í málaskrárkerfi lögreglu, LÖKE.

Nýútskrifaðir jafnt sem reynslumiklir lögfræðingar eru hvattir til að sækja um. Við ráðningu verður tekið mið af jafnréttisáætlun embættisins og verður öllum umsóknum svarað þegar ákvörðun um ráðningu hefur verið tekin. Athygli er vakin á því að umsóknir munu gilda í 6 mánuði frá því að umsóknarfrestur rennur út með vísan til 3. tl. 2. mgr. 2. gr. reglna nr. 464/1996 um auglýsingar á lausum störfum, með síðari breytingum, sbr. 2. mgr. 7. gr. laga nr. 70/1996 um réttindi og skyldur starfsmanna ríkisins. Laun samkvæmt gildandi kjarasamningi sem fjármála- og efnahagsráðherra og Stéttarfélag lögfræðinga hafa gert.

Nánari upplýsingar veita:

Birna Ágústsdóttir, sýslumaður - [email protected]

Erna Björg Jónmundsdóttir, deildarstjóri - [email protected]

Auglýsing birt13. febrúar 2026

Umsóknarfrestur25. febrúar 2026

Tungumálahæfni