Laus störf Hæfnileit Vinnustaðir Námskeið

COWI

COWI er alþjóðlegt ráðgjafarfyrirtæki með höfuðstöðvar í Danmörku og yfir 7.500 starfsmenn sem vinna að um 10.000 verkefnum að staðaldri víða um heim. Í samvinnu við viðskiptavini vinnum við að því að móta þjónustu og lausnir á sviði sjálfbærni sem bæta lífsgæði fólks og komandi kynslóða. Þjónustusviðið okkar nær yfir verkfræði, arkitektúr, orku og umhverfismál. Við trúum því að velsæld stuðli að betri frammistöðu og að betri frammistaða ýti undir vellíðan. Ef þú hefur áhuga á að ganga til liðs við okkur munt þú starfa með fólki sem er ávallt reiðubúið að rétta fram hjálparhönd. Okkar helsta hvatning er að skapa vinnustað framtíðarinnar; umhverfi þar sem fólk fær að vaxa og dafna. Og þótt að verkefnin okkar séu stór og jafnvel alvarleg þá tökum við okkur sjálf mátulega hátíðlega. Ef þú gengur til liðs við okkur verður þú hluti af alþjóðlegu samfélagi sérfræðinga þar sem gagnkvæm miðlun á þekkingu fer fram. Þú færð einnig tækifæri til þess að vinna þvert á landamæri og breyta áskorunum í sjálfbærar lausnir. Auk þess er starfsþróun mikilvægur þáttur sem við sinnum vel fyrir hvern og einn starfsmann. Allt þetta stuðlar að því að þú fáir að þróast og þroska nýja hæfni og við fáum verðmætan starfskraft með haldbæra þekkingu. Þannig erum við öll í fararbroddi grænna umskipta.

Vinnustaðurinn

Sérfræðingur í innkaupum og útboðsgagnagerð

Vilt þú verða hluti af alþjóðlegu fyrirtæki og takast á við áhugaverð verkefni? Hefur þú áhuga á innkaupum á vörum og þjónustu fyrir opinbera- og einkaaðila? Langar þig að þróast í starfi innan fjölbreytts hóps sérfræðinga hérlendis og erlendis? Þá hvetjum við þig til að kynna þér starfið betur hér að neðan.

Helstu verkefni og ábyrgð

COWI á Íslandi leitar að sérfræðingi í innkaupum og í gerð útboðs- og verklýsinga fyrir verklega framkvæmdir á sviði samganga, veitna og mannvirkjagerðar. Á deildinni starfa um 20 einstaklingar sem fást við fjölbreytt verkefni sem snúa að verkefnastjórnun, innkaupum á vörum og þjónustu, hönnun samgöngumannvirkja og veitulagna, framkvæmdareftirliti, mælingar, gerð kostnaðaráætlana og útboðs- og verklýsinga.

Lykilþættir starfsins eru:

Gerð verðfyrirspurna- og útboðsgagna vegna innkaupa á vörum og þjónustu.
Gerð útboðsgagna fyrir verklegar framkvæmdir
Kostnaðaráætlanir og kostnaðareftirlit
Skjalaskráning og vistun gagna
Þátttaka á verkfundum og ritun fundargerða
Vinna samkvæmt innkaupaferlum COWI
Opnun og yfirferð tilboða
Samningagerð og rekstur samninga

Menntunar- og hæfniskröfur

Til að ná árangri í þessari stöðu teljum við að þú ættir að vera þjónustusinnaður, sveigjanlegur einstaklingur sem er frábær í að byggja upp sambönd, gefa gaum að smáatriðum og alltaf opinn fyrir nýjum áskorunum.

Að auki erum við að leitast eftir:

Menntun sem nýtist í starfi s.s. verk-, tækni- eða iðnfræðimenntun eða önnur sambærileg menntun.
Reynsla af gerð útboðsgagna vegna innkaupa og verklegra framkvæmda.
Reynsla af innkaupum, gerð útboðsgagna, rekstri samninga og samningagerð er kostur
Almenn tölvuþekking.
Jákvætt viðhorf og frumkvæði í starfi.
Góðir samskiptahæfileikar.
Nákvæm og sjálfstæð vinnubrögð.
Íslenskukunnátta í tali og rituðu máli.
Þekkingu á stöðlum s.s. ÍST 30, ÍST 35, FIDIC, AACE kostnaðaráætlanir.

Fríðindi í starfi

Við bjóðum líka uppá

Sveigjanlegan vinnutíma og fjarvinnumöguleika samhliða vinnu á starfsstöð.
Samgöngu- og líkamsræktarstyrki.
Starfsmannafélag með fjölbreyttum viðburðum yfir árið.
Viðbótargreiðslur í fæðingarorlofi.
Starfsþróunarmöguleika innan COWI, starfsþróunaráætlanir og rafræna þjálfun hjá COWI Academy.
Árlegt heilsufarsmat.

Umsóknarfresturinn er til og með 15. maí. Nánari upplýsingar veitir Sigurður Bjarnason ([email protected]) og Jóhanna Ásta Vilhjálmsdóttir ([email protected]).

Auglýsing birt29. apríl 2026

Umsóknarfrestur15. maí 2026

Tungumálahæfni