Laus störf Hæfnileit Vinnustaðir Námskeið

COWI

COWI er alþjóðlegt ráðgjafarfyrirtæki með höfuðstöðvar í Danmörku og yfir 7.500 starfsmenn sem vinna að um 10.000 verkefnum að staðaldri víða um heim. Í samvinnu við viðskiptavini vinnum við að því að móta þjónustu og lausnir á sviði sjálfbærni sem bæta lífsgæði fólks og komandi kynslóða. Þjónustusviðið okkar nær yfir verkfræði, arkitektúr, orku og umhverfismál. Við trúum því að velsæld stuðli að betri frammistöðu og að betri frammistaða ýti undir vellíðan. Ef þú hefur áhuga á að ganga til liðs við okkur munt þú starfa með fólki sem er ávallt reiðubúið að rétta fram hjálparhönd. Okkar helsta hvatning er að skapa vinnustað framtíðarinnar; umhverfi þar sem fólk fær að vaxa og dafna. Og þótt að verkefnin okkar séu stór og jafnvel alvarleg þá tökum við okkur sjálf mátulega hátíðlega. Ef þú gengur til liðs við okkur verður þú hluti af alþjóðlegu samfélagi sérfræðinga þar sem gagnkvæm miðlun á þekkingu fer fram. Þú færð einnig tækifæri til þess að vinna þvert á landamæri og breyta áskorunum í sjálfbærar lausnir. Auk þess er starfsþróun mikilvægur þáttur sem við sinnum vel fyrir hvern og einn starfsmann. Allt þetta stuðlar að því að þú fáir að þróast og þroska nýja hæfni og við fáum verðmætan starfskraft með haldbæra þekkingu. Þannig erum við öll í fararbroddi grænna umskipta.

Vinnustaðurinn

Project controller

Viltu gegna lykilhlutverki í að styðja við verkefnastjórnendur, móta fjárhagslega afkomu verkefna og hafa áhrif á starfsemi COWI þvert á landamæri? Langar þig að þróast í starfi innan fjölbreytts hóps sérfræðinga hérlendis og erlendis? Þá hvetjum við þig til að kynna þér starfið betur hér að neðan.

Helstu verkefni og ábyrgð

Fjármáladeild COWI á Íslandi leitar að viðbót í teymið en í deildinni starfa 8 einstaklingar sem vinna að umfangsmiklum og fjölbreyttum verkefnum tengdum rekstri COWI. Í þessu hlutverki munt þú m.a. styðja verkefnastjóra við greiningu á rekstrarstöðu verkefna og tryggja skýra og sterka tengingu milli fjármála og verkefnastjórnunar í samstarfi við sérfræðinga hér heima og erlendis.

Í starfinu verða tækifæri til að þróa og þroska hæfni í fjármálum tengdum rekstri verkefna, ráðgjöf og stefnumótandi greiningu. Starfið býður upp á víðtæk samskipti við sérfræðinga um allan heim, þátttöku í stórum og fjölbreyttum verkefnum og frábæra starfsþróunarmöguleika í alþjóðlegu og síbreytilegu umhverfi.

Lykilþættir starfsins eru:

Tryggja rétta og tímanlega afgreiðslu reikninga. Fylgjast með tekjum, kostnaði og sjóðstreymi verkefna.
Bera kennsl á áhættu, tækifæri og frávik, ásamt því að veita ráðgjöf.
Styðja verkefnastjóra í allri fjárhagslegri ákvarðanatöku verkefna og vera aðaltengiliður milli verkefnastjóra og fjármáladeildar.
Útbúa greiningar, skýrslur og kynningarefni fyrir stjórnendur og aðra hagsmunaaðila.
Tryggja gagnsæi og rétt gögn í kerfum þannig hægt sé að tryggja samræmi við innri reglur og lögbundnar kröfur.
Taka þátt í öðrum verkefnum á fjármálasviði.

Menntunar- og hæfniskröfur

Til að ná árangri í þessari stöðu teljum við að þú ættir að vera þjónustusinnaður, sveigjanlegur einstaklingur sem er frábær í að byggja upp sambönd, gaum að smáatriðum og alltaf opinn fyrir nýjum áskorunum.

Að auki erum við að leitast eftir:

Háskólagráðu í rekstrar- eða fjármálatengdum greinum.
Reynsla af fjármálum og rekstrargreiningum er æskileg.
Sterkri hæfni í að vinna með fjárhagsleg gögn, greina frammistöðu og miðla niðurstöðum á skýran hátt.
Framúrskarandi greiningarhæfni og viðskiptavit, ásamt getu til að greina áhættu og tækifæri.
Góðri samskiptahæfni og getu til að byggja upp traust og góð samskipti við stjórnendur og teymi, bæði hér heima og erlendis.
Sjálfstæðum og skipulögðum vinnubrögðum
Góðri kunnáttu á íslensku og ensku, bæði í töluðu og rituðu máli.

Fríðindi í starfi

Við bjóðum líka uppá

Sveigjanlegan vinnutíma og fjarvinnumöguleika í bland við vinnu á starfsstöð

Öflugt mötuneyti með morgunmat, hádegismat og síðdegishressingu

Samgöngu- og líkamsræktarstyrkir

Starfsmannafélag með fjölbreyttum deildum og viðburðum

Viðbótargreiðslur í fæðingarorlofi

Starfsþróunarmöguleikar innan COWI, starfsþróunaráætlanir og rafræn þjálfun hjá COWI Academy
Árlegt heilsufarsmat

Umsóknarfresturinn er til og með 5.maí. Nánari upplýsingar veitir Anna Þórunn Björnsdóttir ([email protected]), Head of Finance Iceland, og Breki Bjarnason ([email protected]).

Auglýsing birt16. apríl 2026

Umsóknarfrestur5. maí 2026

Tungumálahæfni