Pólskumælandi ráðgjafi frístunda- og menningarmiðlunar (Brúarsmiður) - Mennta- og lýðheilsusvið

Mennta- og lýðheilsusvið Hafnarfjarðar auglýsir eftir póskumælandi ráðgjafa í menningarmiðlun (brúarsmið) Um er að ræða 50-100% stöðu tímabundið í hálft ár, ráðið er í stöðuna frá 5. ágúst 2025.

Á skrifstofu mennta- og lýðheilsusviðs hjá Hafnarfjarðarbæ starfar fagfólk úr ýmsum fagstéttum að veitingu þjónustu til leik- og grunnskóla, dagforeldra, frístundaheimila og tónlistarskóla auk þess að annast stjórnsýslumálefni þeirra hjá sveitarfélaginu.

Markmið starfsins er að fræða og veita stuðning og ráðgjöf við foreldra og kennara vegna barna með fjölbreyttan tungumála- og menningarbakgrunn í grunnskóla. Starfið fer að miklu leyti fram á vettvangi skóla og íþrótta- og frístundastarfs. Vinnustöð starfsmanns er að Strandgötu 41. Starfið er á vegum mennta- og lýðheilsusviðs og heyrir undir íþrótta- og tómstundafulltrúa.

Helstu verkefni og ábyrgð:

• Að veita foreldrum af erlendum uppruna ráðgjöf varðandi grunnskólastarf og fræða um hlutverk foreldra í skólastarfi
• Að styðja foreldra af erlendum uppruna í samskiptum við grunnskóla
• Að fræða starfsfólk í grunnskólum um ólíka menningu og tungumál í fjölmenningarlegu skólasamfélagi
• Að hvetja og aðstoða börn með fjölbreyttan tungumála- og menningarbakgrunn til þátttöku í frístundastarfi
• Að fræða börn og fjölskyldur þeirra um mikilvægi þátttöku í íþrótta- og tómstundastarfi og aðstoða við þátttöku barnanna
• Að hafa yfirsýn yfir framboð íþrótta- og tómstunda og geta leiðbeint foreldrum varðandi skráningar og nýtingu frístundastyrks
• Að skipuleggja og búa til verkefni sem hafa það að markmiði að draga úr félagslegri einangrun barna með fjölbreyttan tungumála- og menningarbakgrunn og styðja við virka þátttöku þeirra
• Önnur verkefni samkvæmt starfslýsingu

Menntunar- og hæfniskröfur:

• BA/BS/B.Ed. gráða í mennta- eða félagsvísindum
• Reynsla og þekking á grunnskólastarfi
• Reynsla af starfi með börnum með fjölbreyttan tungumála- og menningarbakgrunn
• Reynsla af starfi með börnum og unglingum
• Skipulagshæfni, frumkvæði og sjálfstæði í vinnubrögðum og færni í samskiptum
• Góð íslensku- og enskukunnátta
• Góð kunnátta í pólsku
• Almenn tölvukunnátta

Nánari upplýsingar veitir Geir Bjarnason, frístunda- og tómstundafulltrúi í gegnum netfangið [email protected] eða í síma: 6645754.

Umsóknarfrestur er til og með 18. júní 2025.

Launakjör eru samkvæmt kjarasamningi Sambands íslenskra sveitarfélaga við BHM.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.