Hafnarfjarðarbær

Hafnarfjarðarbær er þriðja stærsta sveitarfélag landsins með rúmlega 30 þúsund íbúa og um um 2500 starfsfólk sem sinna fjölbreyttum störfum á um 70 starfsstöðvum um allan bæ. Mannauðurinn er okkur dýrmætur. Lögð er áhersla á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði. Við viljum vera áhugaverður og góður vinustaður og árangur okkar er undir reyndu og hæfileikaríku fólki kominn. Við leggjum áherslu á að skapa starfsumhverfi þar sem starfsfólk fær tækifæri til að efla þekkingu sína, hefur tækifæri til þróunar og fái hvatningu til að sýna frumkvæði og njóta sín í starfi sem skilar sér í aukinni starfsánægju og góðri þjónustu við bæjarbúa. Við erum heilsueflandi vinnustaður og viljum að öllum líði vel í vinnunni og bæði stjórnendur og starfsfólk leggja sitt að mörkum við að ýta undir og skapa sem best vinnuumhverfi á öllum okkar starfsstöðvum. Ef þú hefur áhuga á að bætast í hóp starfsmanna hjá Hafnarfjarðarbæ þá hvetjum við þig til að senda inn umsókn.

Vinnustaðurinn

Skóla- og frístundaliði - Lækjarskóli

Lækjarskóli auglýsir eftir skóla- og frístundaliða í fullt starf. Við auglýsum eftir starfsfólki í bæði skólann og frístund.

Helstu verkefni og ábyrgð:

Starfar með nemendum með sértækan vanda
Aðstoðar við almennt bekkjarstarf undir leiðsögn kennara
Starfar í frístundaheimili og á sumar- og leikjanámskeiðum
Tekur á móti nemendum og aðstoðar
Sinnir gangavörslu og eftirliti með húsnæði og búnaði, heldur göngum og snyrtingum snyrtilegum yfir daginn
Aðstoðar í matsal og við undirbúning matmálstíma
Fylgist með og aðstoðar börnin í leik og starfi
Önnur verkefni samkvæmt starfslýsingu

Menntunar- og hæfniskröfur:

Reynsla að vinna með börnum með sérþarfir kostur
Áhugi á faglegu starfi með börnum og unglingum
Samstarfs- og samskiptahæfni
Sjálfstæð og skipulögð vinnubrögð
Góð íslenskukunnátta
Hæfni til að aðlagast breyttum aðstæðum

Umsóknarfrestur til og með 17. júní 2025

Nánari upplýsingar veita Arna skólastjóri, [email protected]

eða Bjarnveig deildarstjóri tómstundamiðstöðvarinnar, [email protected]

Launakjör eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika.

Auglýsing birt6. júní 2025

Umsóknarfrestur17. júní 2025

Tungumálahæfni

Íslenska

Nauðsyn

Mjög góð

Staðsetning

Sólvangsvegur 4, 220 Hafnarfjörður

Starfstegund

Starfsgreinar

Starfsmerkingar

Fleiri störf (30)

Pólskumælandi ráðgjafi frístunda- og menningarmiðlunar (Brúarsmiður) - Mennta- og lýðheilsusvið