Laus störf Hæfnileit Vinnustaðir Námskeið

Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Lundarskóli: Deildarstjóri forvarna- og frístundamála grunnskóla

Laus er til umsóknar ótímabundin 100% staða deildarstjóra forvarna- og frístundamála í Lundarskóla á Akureyri. Ráðið verður í stöðuna frá 15. ágúst 2026 eða skv. samkomulagi.

Deildarstjóri leiðir forvarnar-, frístunda- og félagsmiðstöðvastarf í skólanum, veitir því faglega forystu, skipuleggur daglegt frístunda- og félagsmiðstöðvastarf og stuðlar að framförum, árangri, velferð og vellíðan barna og unglinga. Næsti yfirmaður er skólastjóri.

Deildarstjóri hefur yfirumsjón með málaflokknum innan skólans og starfar í teymi frístundafulltrúa og félagsmiðstöðvafulltrúa við framgang og framkvæmd verkefna þar innan.

Helstu verkefni og ábyrgð

Ber ábyrgð á starfsemi frístundar fyrir 1. - 4. bekk og skipuleggur störf starfsfólks frístundar í samstarfi við frístundafulltrúa.
Ber ábyrgð á starfsemi félagsmiðstöðva skólans, annars vegar fyrir 5. - 7. bekk og hins vegar fyrir 8. - 10. bekk og skipuleggur starfið í samstarfi við félagsmiðstöðvafulltrúa.
Hefur yfirumsjón með framkvæmd forvarnarmála innan stofnunar.
Mótar og kemur til framkvæmdar starfsáætlun frístundar og félagsmiðstöðva.
Sinnir daglegu starfi í frístund og félagsmiðstöð eftir því sem við á.
Vinnur með börnum og unglingum að félagsfærni, jákvæðum samskiptum og sjálfstyrkingu, hvort sem er með einstaklingum eða hópum í samstarfi við frístunda- og félagsmiðstöðvafulltrúa.
Veitir forvarnar-, frístunda- og félagsmiðstöðvastarfi í skólanum eftirfylgni og hefur forystu um þróun og umbætur á því sviði.
Starfar með stoðteymi skóla að inngripum sem styðja við félags- og samskiptafærni með einstaklingum og hópum.
Vinnur með fræðsluyfirvöldum í sveitarfélaginu, verkefnastjóra málefna barna- og unglinga og öðrum deildarstjórum málaflokksins um stefnumótun og ákvarðanatöku.
Heldur utan um og stuðlar að samstarfi og teymisvinnu milli frístundar og félagsmiðstöðva innan síns skóla og milli skóla.
Skipuleggur og stýrir teymisfundum í frístund og félagsmiðstöð.
Tekur þátt í undirbúningi á fjárhagsáætlun skólans m.t.t. málaflokksins.
Gætir að því að innkaup og mönnun málaflokksins falli innan fjárhagsramma.
Tekur þátt í ráðningum starfsfólks frístundar og félagsmiðstöðvar
Tryggir samstarf um verkefni og að veitt þjónusta sé í samræmi við markmið.

Menntunar- og hæfniskröfur

Háskólamenntun á sviði tómstunda- og félagsmálafræði eða sambærilegt (BA/BS/B.Ed).
Viðbótarnám/diplóma á háskólastigi kostur.
Nýleg og farsæl reynsla af vinnu með ungu fólki.
Nýleg og farsæl reynsla af starfi við forvarnir og fræðslu.
Nýleg og farsæl reynsla af frístunda- og félagsmiðstöðvastarfi.
Þekking á þróun, straumum og stefnum í forvarnarmálum, frístunda- og félagsmiðstöðvastarfi.
Þekking á lögum, reglugerðum og öðrum opinberum fyrirmælum sem um starfsemina gildir og hæfni til að leiða forvarna- og frístundastarf í samræmi við markmið og ákvæði laga.
Reynsla af teymisstjórnun er æskileg.
Hæfni til að leiða umbótamiðað forvarnastarf.
Þekking og hæfni til að standa vörð um og stuðla að farsæld barna og unglinga.
Skipulögð og fagleg vinnubrögð.
Framtakssemi, frumkvæði og samskiptafærni.
Vilji til þróunar og nýsköpunar.
Metnaður til árangurs.
Mjög góð tölvukunnátta.
Góð íslenskukunnátta og færni til að tjá sig í ræðu og riti.
Góð enskukunnátta.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skal fylgja greinargóð ferilskrá um störf umsækjanda, menntun og þau verkefni sem hann hefur unnið að og varpað geta ljósi á færni hans til að sinna starfi deildarstjóra forvarna- og frístundamála. Mikilvægt er að einnig komi fram hugmyndir umsækjenda um áherslur og þróun frístundamála við skólann.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Visku.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veitir Maríanna Ragnarsdóttir skólastjóri í síma 8929819, netfang [email protected]

Einungis er tekið á móti rafrænum umsóknum.

Umsóknarfrestur er til og með 1. júlí 2026.

Auglýsing birt18. júní 2026

Umsóknarfrestur1. júlí 2026

Tungumálahæfni