Félags- og samfélagsmiðlafulltrúi Borgarholtsskóla

Borgarholtsskóli óskar eftir að ráða félags- og samfélagsmiðlafulltrúa í 50% starf næsta skólaár.

Við leitum að öflugum og hugmyndaríkum einstaklingi sem hefur áhuga á að efla félagslíf nemenda, styðja við vellíðan þeirra og halda utan um sýnileika skólans á samfélagsmiðlum.

Helstu verkefni og ábyrgð

Stuðla að virku, fjölbreyttu og jákvæðu félagslífi nemenda.
Vinna náið með stjórn nemendafélagsins og nefndum þess að skipulagi og framkvæmd viðburða.
Hvetja nemendur til þátttöku í félagsstarfi og efla samfélagsanda innan skólans.
Styðja við að félagslíf skólans stuðli að vellíðan og virkri þátttöku nemenda.
Annast umsjón með samfélagsmiðlum skólans.
Taka þátt í ráðgjöf, stefnumótun og áætlanagerð í markaðssetningu á netinu.
Skapa efni fyrir samfélagsmiðla skólans og miðla efni frá starfsemi allra deilda skólans.

Menntunar- og hæfniskröfur

Menntun og/eða reynsla sem nýtist í starfi, til dæmis á sviði tómstunda-, félags- eða uppeldisfræða.
Menntun og/eða reynsla af markaðssetningu á netinu og samfélagsmiðlum.
Hugmyndaauðgi, frumkvæði og gott auga fyrir efnissköpun og textasmíð.
Góð samskiptahæfni og hæfni til að vinna með ungu fólki.
Sjálfstæði í vinnubrögðum og skipulagshæfni..

Launakjör samkvæmt gildandi kjarasamningum.

Ráðið er í stöðuna frá 6. ágúst næstkomandi.

Öll kyn eru hvött til að sækja um starfið.

Á heimasíðu skólans, www.borgo.is, eru upplýsingar um skólann og starfsemi hans.

Umsóknir ásamt fylgigögnum sendist í tölvupósti til Ástu Laufeyjar Aðalsteinsdóttur, skólameistara, [email protected] sem veitir einnig upplýsingar um starfið í síma 535-1702.

Auglýsing birt16. júní 2026

Umsóknarfrestur26. júní 2026

Tungumálahæfni