Laus störf Hæfnileit Vinnustaðir Námskeið

Kringlumýri frístundamiðstöð

Frístundamiðstöðin Kringlumýri stendur fyrir viðamiklu frístundastarfi fyrir börn og unglinga á aldrinum 6 – 16 ára í Laugardals-, Háaleitis- og Bústaðahverfi. Mikið er lagt upp úr því að bjóða upp á fjölbreytt og áhugavert frístundastarf á frístundaheimilum og í félagsmiðstöðvum. Starfsstaðir Kringlumýrar eru 15 samtals.

Vinnustaðurinn

Aðstoðarforstöðumaður í frístundastarfi fatlaðra barna

Frístundaheimilið Gulahlíð starfrækir frístundastarf fyrir börn í 1.-4. bekk Klettaskóla eftir að skóladegi líkur til kl. 17.00 ásamt því að vera með heila daga á skólafrídögum. Einnig er boðið upp á sumarstarf frá kl. 8.30 til 16.30. Tilgangur starfsins er að stuðla að auknum félagsþroska með áherslu á aukið sjálfstæði, ábyrgð, heilbrigðan lífsstíl og félagslega virkni. Vakin er athygli á stefnu Reykjavíkurborgar um jafnan hlut kynja í störfum og að vinnustaðir borgarinnar endurspegli það margbreytilega samfélag sem borgin er.

Helstu verkefni og ábyrgð

Halda úti fagstarfi fyrir börn og unglinga í Klettaskóla í samræmi við starfsmarkmið SFS, starfsáætlun SFS og starfsáætlun frístundamiðstöðvarinnar og tryggja jafna möguleika barna og unglinga í Klettaskóla til þátttöku í frístundastarfi borgarinnar.
Umsjón með daglegri starfsemi Guluhlíðar í samvinnu við forstöðumann.
Skipulagning frístundastarfsins í samráði við bæði börn og unglinga sem og starfsfólk.
Leiðbeina og taka þátt í leik og starfi með börnum og unglingunum.
Samskipti og samstarf við foreldra og starfsfólk skóla.
Þátttaka í að móta stefnu og framtíðarsýn.
Að veita starfsfólki leiðsögn um framkvæmd vinnunnar og stuðla að lýðræðislegum starfsháttum og góðum starfsanda.
Er staðgengill forstöðumanns.

Menntunar- og hæfniskröfur

Háskólapróf á sviði uppeldismenntunar s.s. þroskaþjálfafræði, tómstunda- og félagsmálafræði eða sambærileg menntun.
Leyfisbréf þroskaþjálfa.
Meistarapróf á sviði uppeldismenntunar eða stjórnunar eða mikil starfs- og stjórnunarreynsla á viðkomandi sérfræðisviði.
Þekking og reynsla af starfi með fötluðum börnum og unglingum.
Þekking og reynsla af málefnum frítímans.
Skipulögð og fagleg vinnubrögð.
Samskiptahæfni sem miðar að því að koma að og leysa erfið mál sem tengjast starfsfólki og /eða þjónustunotendum.
Frumkvæði, sjálfstæði og fagmennska í vinnubrögðum.
Skipulagshæfileikar og fjölbreytt áhugasvið sem nýtist í starfinu.
Almenn tölvu- og samskiptamiðla kunnátta.
Góð íslenskukunnátta.