Laus störf Hæfnileit Vinnustaðir Námskeið

Leikskólinn Hulduheimar

Leikskólinn Hulduheimar opnaði 14. nóvember 2006. Í Hulduheimum geta 120 börn dvalið samtímis og tæplega 40 starfsmenn í mismunandi stöðuhlutföllum. Leikskólinn starfar í ljósi hugmyndafræði John Dewey. Grunnhugmyndir uppeldisstefnu John Dewey byggjast á hugmyndum sem er lýst á einfaldan hátt í einkunnarorðunum ,,learning by doing“, að læra í athöfn eða að læra af eigin reynslu. Lögð er áhersla á að efla virðingu fyrir einstaklingnum, sjálfshjálp, félagsfærni og snemmtæka íhlutun

Vinnustaðurinn

Leikskólasérkennari, þroskaþjálfi

Leikskólinn Hulduheimar auglýsir eftir leikskólasérkennara eða þroskaþjálfa frá og með 6. ágúst 2026, eða eftir samkomulagi.

Leitað er að leikskólasérkennara eða þroskaþjálfa sem hafa áhuga á að starfa í leikskóla þar sem fram fer faglegt leikskólastarf með áherslu á leik, samvinnu, traust og gleði.

Leikskólasérkennari/þroskaþjálfi starfar samkvæmt stefnumörkun leikskólans sem tekur meðal annars mið af menntastefnu Sveitarfélagsins Árborgar, aðalnámskrá leikskóla, lögum og reglugerðum um leikskóla og öðrum lögum er við eiga.

Um er að ræða gefandi og skemmtilegt starf í góðu starfsumhverfi barna og kennara. Áherslur Hulduheima eru á leik barna, félagslega færni, jákvæð og uppbyggjandi samskipti og hvetjandi námsumhverfi. Leiðarljós leikskólans eru: Virðing - Lýðræði - Samfélag.

Í Sveitarfélaginu Árborg búa um 13.000 íbúar og starfa um 1100 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Helstu verkefni og ábyrgð

Að vinna að uppeldi og menntun leikskólabarna.
Að fylgjast vel með velferð leikskólabarna og hlúa að þeim andlega og líkamlega í samræmi við eðli og þarfir hvers og eins svo að þau fái notið sín sem einstaklingar
Skipuleggur sérkennslu á viðkomandi deild í samvinnu við deildarstjóra og sérkennslustjóra
Leiðbeinir starfsfólki deildar hvað varðar kennslu barna með sérþarfir
Gerir skriflegar einstaklingsnámskrár fyrir börn sem þess þurfa, sér um að þeim sé fylgt eftir og endurmetur í samráði við deildarstjóra og sérkennslustjóra
Veitir börnum sem þurfa á sérkennslu að halda sérstaka aðstoð og veitir þeim stuðning í starfi leikskólans
Vinnur í nánu samstarfi við foreldra, sérkennslustjóra og skólaþjónustu Árborgar

Menntunar- og hæfniskröfur

Leyfisbréf leikskólakennara/þroskaþjálfa
Reynsla í leikskólastarfi æskileg.
Góð færni í mannlegum samskiptum.
Reynsla, hæfni og áhugi í starfi með börnum.
Jákvæðni, frumkvæði, skipulagshæfileikar og sjálfstæð vinnubrögð.
Færni til að tjá sig í ræðu og riti.
Góð íslenskukunnátta æskileg.

Frekari upplýsingar veitir Kristrún Hafliðadóttir leikskólastjóri, sími: 480-3282. Netfang: [email protected]

Umsóknum fylgi yfirlit yfir nám og fyrri störf ásamt rökstuðningi fyrir hæfni í starfið. Umsóknum er skilað á Alfred.is. Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu liggur fyrir. Allar umsóknir eru gildar í 6. mánuði.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Vakin er athygli á stefnu Sveitarfélagsins Árborgar að jafna hlut kynjanna í störfum hjá sveitarfélaginu og að vinnustaðir endurspegli fjölbreytileika samfélagsins.

Auglýsing birt11. júní 2026

Umsóknarfrestur22. júní 2026

Tungumálahæfni