Heilsuleikskólinn Heiðarsel - Leikskólakennarar/starfsfólk

Heilsuleikskólinn Heiðarsel leitar að öflugum leikskólakennara eða starfsmanni í leikskóla sem hefur áhuga á að starfa í skapandi og metnaðarfullu umhverfi þar sem vellíðan, leikur og hreyfing eru í fyrirrúmi. Við leitum að jákvæðum og ábyrgum einstaklingi sem hefur áhuga á að taka þátt í uppeldi og menntun barna í samvinnu við öflugt starfsfólk.

Heiðarsel er fjögurra deilda og hefur starfað samkvæmt viðmiðum Heilsustefnunnar frá 2004 þar sem markmiðin eru að auka gleði og vellíðan barnanna með áherslu á leik, hreyfingu, næringu og sköpun í leik og starfi. Aðrar áherslur í starfi leikskólans eru læsi, stærðfræði og tónlist.

Einkunnarorð skólans eru hreyfing, næring, listsköpun og leikur.

Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.

Um 100% starf er að ræða og er vinnutíminn 8:15 – 16:15 Æskilegt er að umsækjandi geti hafið störf 5. ágúst 2026.