Laus störf Hæfnileit Vinnustaðir Námskeið

Garðabær

Garðabær leggur áherslu á að veita íbúum bæjarins framúrskarandi þjónustu og sækist eftir að ráða til starfa metnaðarfulla og færa einstaklinga sem eru jákvæðir, faglegir og áreiðanlegir. Starfsemi bæjarins býður upp á mörg skapandi, fjölbreytt og skemmtileg störf í lifandi umhverfi.

Vinnustaðurinn

Hofsstaðaskóli - umsjónakennarar

Hofsstaðaskóli auglýsir eftir umsjónarkennurum í 1. – 3. bekk. Í skólanum verða um 460 nemendur í 1. – 7. bekk og þar starfa um 95 starfsmenn með það að markmiði að hlúa að nemendum námslega og félagslega og koma til móts við áhuga þeirra og getu. Vel er búið að nemendum og starfsmönnum og er öll aðstaða í skólanum til fyrirmyndar.

Í skólanum fer fram metnaðarfullt starf sem er í stöðugri þróun. Kennsluhættir eru fjölbreyttir og vellíðan nemenda í fyrirrúmi í anda Menntastefnu Garðabæjar. Læsi og leiðsagnarnám skipa stóran sess og þjónusta við nemendur með sérþarfir er öflug.

Helstu verkefni og ábyrgð

Sinnir kennslu og hefur umsjón með nemendahópi
Skipuleggur nám og kennslu nemenda
Fylgist með námi og þroska allra nemenda sinna og leitast við að skapa kennsluaðstæður sem eru hvetjandi til náms, vinnusemi og þroska
Stuðlar að velferð nemenda í samstarfi við foreldra og fagfólk
Tekur þátt í teymisvinnu með umsjónarkennurum í árgangi ásamt öðrum fagaðilum sem koma að nemendum
Vinnur að þróun skólastarfs í samráði við stjórnendur og samstarfsfólk

Menntunar- og hæfniskröfur

Kennaramenntun og leyfisbréf til kennslu* (leyfisbréf fylgi umsókn)
Að lágmarki 90 námseiningar á einu námssviði aðalnámskrár grunnskóla og menntunarfræði grunnskóla
Íslenskukunnátta á stigi C1 skv. evrópska tungumálarammanum
Reynsla af kennslu í grunnskóla
Leikni í fjölbreyttum kennsluháttum
Lipurð í samskiptum ásamt metnaði í starfi
Frumkvæði og sjálfstæði í vinnubrögðum, stundvísi og samviskusemi
Ánægja af starfi með börnum og ungmennum

*Fáist ekki starfsmaður með leyfisbréf til kennslu kemur til greina að ráða háskólamenntaðan einstakling tímabundið til starfa sbr. lög nr. 95/2019.

Fríðindi í starfi

Heilsuræktarstyrkur að upphæð 20.000 kr. eftir 6 mánuði í starfi
Bókasafnskort eftir 3 mánuði í starfi
Menningarkort eftir 3 mánuði í starfi
Sundlaugarkort eftir 3 mánuði í starfi
Starfsfólk í skólum Garðabæjar hefur möguleika á að sækja um styrki í Þróunarsjóði leik- og grunnskóla Garðabæjar og er þeim ætlað að stuðla að nýbreytni og framþróun í starfi.

Umsóknarfrestur er til 18. júní 2026. Ráðið er í starfið frá 1. ágúst. Möguleiki er á framtíðastarfi.

Nánari upplýsingar um starfið veita Hafdís Bára Kristmundsdóttir skólastjóri og Margrét Einarsdóttir aðstoðarskólastjóri. Sími Hofsstaðaskóla er 590-8100 og netfang: [email protected]

Samkvæmt lögum verða umsækjendur sem eru ráðnir að skrifa undir heimild til upplýsingaöflurnar úr sakaskrá.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Áhugasamir einstaklingar, án tillits til kyns, eru hvattir til að sækja um.

Umsókn um starfið skal fylgja kynningarbréf og starfsferilskrá. Í kynningarbréfi skal gera grein fyrir ástæðu umsóknar með rökstuðningi fyrir hæfni viðkomandi í starfið og upplýsingar um umsagnaraðila. Öllum umsóknum verður svarað.

Auglýsing birt3. júní 2026

Umsóknarfrestur18. júní 2026

Tungumálahæfni