Laus störf Hæfnileit Vinnustaðir Námskeið

Dómsmálaráðuneytið

Dómsmálaráðherra er Þorbjörg Sigríður Gunnlaugsdóttir og fer með yfirstjórn ráðuneytisins ásamt því að bera ábyrgð á öllum stjórnarframkvæmdum þess. Allar embættisfærslur starfsfólks eru gerðar í umboði ráðherra. Hjá ráðuneytinu starfa um 70 manns og eru flestir með lögfræðimenntun. Undir starfsemi ráðuneytisins heyra um 47 stofnanir sem ná til þriggja málefnasviða samkvæmt lögum um opinber fjármál og snerta fjölmörg svið þjóðfélagsins. Meðal þeirra stofnana sem heyra undir ráðuneytið eru lögregluembætti, sýslumenn, Fangelsismálastofnun, Persónuvernd og fleiri. Skipurit ráðuneytisins skiptist niður á sjö skrifstofur sem eru skrifstofa yfirstjórnar, skrifstofa alþjóðmála, skrifstofa réttinda einstaklinga, skrifstofa jafnréttismála, skrifstofa löggjafarmála, skrifstofa löggæslumála og skrifstofu fjármála sem starfar þvert á allar einingar.

Vinnustaðurinn

Leitar þú að starfi þar sem enginn dagur er eins?

Dómsmálaráðuneytið leitar af öflugum og drífandi upplýsingafulltrúa á skrifstofu yfirstjórnar. Skrifstofan ber ábyrgð á stefnumótun, stjórnun og samhæfingu á starfsemi ráðuneytisins í heild.

Helstu verkefni og ábyrgð

Upplýsingafulltrúi ber ábyrgð á upplýsingagjöf ráðuneytisins til fjölmiðla og er stjórnendum ráðuneytisins innan handar í samskiptum við þá. Starfið felur í sér gerð fréttatilkynnninga, umsjón með kynningarefni, fjölmiðlafundum og stærri viðburðum og ritstjórn á vef ráðuneytisins. Markmiðið er að tryggja rétta og skýra upplýsingagjöf í samstarfi við ráðherra, aðstoðarmenn og starfsfólk ráðuneytisins.

Menntunar- og hæfniskröfur

Þekking á málefnasviðum ráðuneytisins.
Þekking og reynsla af starfi í fjölmiðlum og þeirra starfsemi.
Þekking og reynsla af vefumsjónarkerfum.
Háskólamenntun sem nýtist í starfi er kostur.
Hæfni til að skrifa skýran og hnitmiðaðan texta um flókin álitaefni.
Geta til að vinna á faglegan og skilvirkan hátt undir álagi.
Góð samskiptahæfni, jákvæðni og metnaður til að ná árangri í starfi.
Frumkvæði, drifkraftur og lausnamiðuð hugsun.
Mjög gott vald á íslensku og ensku og færni til að tjá sig í ræðu og riti.

Umsókn skal fylgja starfsferilskrá og kynningarbréf þar sem gerð er grein fyrir hæfni viðkomandi til að sinna starfinu. Öllum umsóknum verður svarað þegar ákvörðun um ráðningu liggur fyrir og skulu umsóknir sendar gegnum starfatorg.

Um fullt starf er að ræða er að ræða og greiðast laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert. Umsóknir gilda í 6 mánuði frá því að umsóknarfrestur rennur út, sbr. 2. gr. reglna um auglýsingar á lausum störfum nr. 1000/2019.

Nöfn allra umsækjenda verða birt á vef ráðuneytisins að loknum umsóknarfresti.

Nánari upplýsingar veitir Páll Winkel, ráðuneytisstjóri ([email protected]) og Unnur Helgadóttir, mannauðsstjóri ([email protected]).

Auglýsing birt15. júní 2026

Umsóknarfrestur25. júní 2026

Tungumálahæfni