Hreiðrið ungmennahús leitar að frístundaleiðbeinendum fyrir veturinn 2026-2027

Hreiðrið er staðsett í Menntasetrinu við Lækinn og er opið öllum ungmennum á aldrinum 16-25 ára. Hreiðrið er vettvangur fyrir opið félagsstarf, skipulagða dagskrá, hópastarf og ýmsa viðburði sem starfsfólk framkvæmir með ungmennum. Starfið er unnið á grunni ungmennalýðræðis og í anda forvarna.

Hreiðrið hefur afnot af aðstöðu Nýsköpunarsetursins sem er einnig í húsinu, þar á meðal tæknismiðju þar sem meðal annars má finna 3D prentara, laserskera og hitapressu, listarými og hljóðver. Kunnátta og reynsla á þessum sviðum eða af öðru skapandi starfi er því mikill kostur.

Um er að ræða 25-40% starf. Hreiðrið er opið kl. 14-22 mánudaga til fimmtudaga og kl. 17-22 á föstudögum. Leitað er að starfsfólki á vaktir kl. 17-22 alla virka daga, fjöldi vakta eftir samkomulagi.

Helstu verkefni og ábyrgð: 

• Skipulagning og framkvæmd á fjölbreyttri dagskrá í samvinnu við ungmenni og annað starfsfólk
• Uppbyggjandi samvera og samskipti við ungmenni
• Skapa jákvætt andrúmsloft sem byggir á virðingu og lýðræðislegum vinnubrögðum
• Stuðla að velferð og félagslegum þroska ungmennanna
• Önnur verkefni skv. starfslýsingu

Menntun- og hæfniskröfur: 

• Reynsla af starfi með ungmennum æskileg
• Reynsla af hvers kyns skapandi starfi æskileg
• Mjög góð hæfni í mannlegum samskiptum
• Frumkvæði, jákvæðni og samviskusemi
• Áhugi á málefnum ungs fólks
• Íslenskukunnátta A2 skv. samevrópska tungumálaramma

Skilyrði er að viðkomandi hafi náð 20 ára aldri og hafi hreint sakavottorð. 

Frekari upplýsingar um starfið veitir Svala Eyjólfsdóttir, [email protected].

Launakjör eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar. 

Umsóknarfrestur er til og með 3. ágúst 2026 

Greinargóð ferilskrá og kynningarbréf fylgi umsókn.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.