Laus störf Hæfnileit Vinnustaðir Námskeið

Garðabær

Garðabær leggur áherslu á að veita íbúum bæjarins framúrskarandi þjónustu og sækist eftir að ráða til starfa metnaðarfulla og færa einstaklinga sem eru jákvæðir, faglegir og áreiðanlegir. Starfsemi bæjarins býður upp á mörg skapandi, fjölbreytt og skemmtileg störf í lifandi umhverfi.

Vinnustaðurinn

Álftanesskóli - umsjónarmaður frístundaheimilisins Álftamýri

Álftanesskóli er heildstæður grunnskóli. Í skólanum eru tæplega 400 nemendur og 75 starfsmenn. Áhersla er lögð á metnaðarfullt starf, vellíðan nemenda og umhverfisvernd. Í Álftanesskóla er áhersla lögð á að hver nemandi fái kennslu við hæfi til að þroska hæfileika sína – allir eru einstakir. Álftanesskóli starfar eftir hugmyndafræði og vinnuaðferðum Uppeldis til ábyrgðar- uppbygging sjálfsaga.
Í frístundaheimlinu fer fram frístundastarf fyrir nemendur í 1. – 4. bekk Álftanesskóla að lokinni kennslu. Að jafnaði dvelja tæplega 100 börn daglega. Á Álftanesi er góð samvinna milli frístundaheimilis, skóla, tónlistarskóla og íþróttafélaga. Í Álftanesskóla vinna allir starfsmenn saman samkvæmt stefnu skólans, einkunnarorðum hans og leiðarljósum.

Helstu verkefni og ábyrgð

Skipulagning og umsjón með faglegu starfi og daglegum rekstri frístundar
Samskipti og samstarf við skólann, félög og aðra þá sem bjóða upp á frístundastarf fyrir börn
Samstarf og samskipti við foreldra og starfsfólk skólans
Upplýsinga- og kynningarstarf
Umsjón með starfsmönnum frístundaheimilisins

Menntunar- og hæfniskröfur

Háskólamenntun sem tengist starfinu, t.d. í tómstundafræðum, leik- eða grunnskólakennslu eða sambærileg menntun
Íslenskukunnátta á stigi C1 samkvæmt evrópska tungumálarammanum
Hæfni í mannlegum samskiptum, jákvæðni, frumkvæði og framtakssemi
Ánægja af því að starfa með börnum
Almenn tölvukunnátta auk skipulags- og stjórnunarhæfileika

Fríðindi í starfi

Heilsuræktarstyrkur að upphæð 20.000 kr. eftir 6 mánuði í starfi
Bókasafnskort eftir 3 mánuði í starfi
Menningarkort eftir 3 mánuði í starfi
Sundlaugarkort eftir 3 mánuði í starfi
Starfsfólk í skólum Garðabæjar hefur möguleika á að sækja um styrki í Þróunarsjóði leik- og grunnskóla Garðabæjar og er þeim ætlað að stuðla að nýbreytni og framþróun í starfi.

Um 100% starfshlutfall er að ræða og er starfið laust frá 1.ágúst 2026.
Umsóknarfrestur er til og með 5. júlí 2026

Nánari upplýsingar um starfið veitir Anna María Skúladóttir skólastjóri, [email protected] og í síma 5404700/8652959 eða Drífa Sigurjónsdóttir aðstoðarskólastjóri [email protected] og í síma 5404700/8976755.

Launakjör eru samkvæmt kjarasamningi Sambands íslenskra sveitarfélaga og hlutaðeigandi stéttarfélags.

Áhugasamir einstaklingar, án tillits til kyns, eru hvattir til að sækja um.

Umsækjendur eru beðnir um að sækja um rafrænt á heimasíðu Garðabæjar www.gardabaer.is. Umsóknum skal fylgja ítarleg starfsferilskrá.

Auglýsing birt23. júní 2026

Umsóknarfrestur5. júlí 2026

Tungumálahæfni