Stapaskóli – Skólastjóri
Reykjanesbær auglýsir starf skólastjóra í Stapaskóla. Leitað er að öflugum leiðtoga sem hefur víðtæka þekkingu á skólastarfi, framsækna skólasýn og er tilbúinn að leiða skapandi skólastarf sem er í stöðugri framþróun í nánu samstarfi við nemendur, starfsfólk, foreldra og menntayfirvöld.
Stapaskóli er heildstæður leik- og grunnskóli og eru um 75 börn á leikskólaaldri og 450 börn á grunnskólaaldri sem sækja skólann. Í Stapaskóla fer fram metnaðarfullt skólastarf þar sem gleði, vinátta , samvinna og virðing eru þau gildi sem höfð eru að leiðarljósi.
Megineinkenni skólans er sveigjanleiki í kennsluháttum, nýtingu rýmis, skipulagi skóladags og skilum á milli skólastiga. Stapaskóli leggur áherslu á teymiskennslu, tækni og heildstæð verkefni sem eru samþætt í gegnum námsgreinar. Einnig er sérstök áhersla á sköpun og listir og verklegt nám ásamt nánum tengslum við nærumhverfi skólans.
- Stýra og bera ábyrgð á rekstri og daglegri starfsemi skólans
- Veita faglega forystu og leiða stefnumótun í samræmi við lög og reglugerðir, aðalnámskrár leik- og grunnskóla og menntastefnu Reykjanesbæjar
- Bera ábyrgð á mannauðsmálum, s.s. ráðningum, vinnutilhögun og starfsþróun
- Bera ábyrgð á samstarfi við aðila skólasamfélagsins
- Stuðla að jákvæðri skólamenningu þar sem velferð og vellíðan nemenda og starfsfólks er í fyrirrúmi
- Leyfi til að nota starfsheitið kennari
- Framhaldsmenntun sem nýtist í starfi t.d. á sviði stjórnunar eða uppeldis- og menntunarfræða
- Reynsla af skólastjórnun og faglegri forystu á sviði kennslu og þróunar í skólastarfi
- Reynsla af rekstri skóla og gerð og eftirfylgni fjárhagsáætlana er æskileg
- Mjög góð almenn tölvukunnátta
- Leiðtogahæfni og góð hæfni í mannlegum samskiptum
- Frumkvæði, sjálfstæði og góð skipulagshæfni
- Góð íslenskukunnátta og hæfni til að tjá sig í ræðu og riti
- Bókasafnskort
- Gjaldfrjáls aðgangur að menningarhúsum
- Gjaldfrjáls aðgangur í sund
- Gjaldfrjáls aðgangur í strætó
Íslenska
