Hjúkrunarfræðingur í kviðarholsteymi

Laust er til umsóknar starf hjúkrunarfræðings í kviðarholsteymi Landspítala sem staðsett er á almennri göngudeild 10E við Hringbraut.

Í kviðarholsteyminu starfar öflugur hópur fagfólks sem vinnur af miklum áhuga við að efla og þróa þjónustu við sjúklinga með langvinna kviðarholssjúkdóma. Teymið sinnir eftirfarandi verkefnum:

• Teymið sinnir sjúklingum fyrir og eftir kviðarholsaðgerðir

• Sárameðferðum sinnt eftir útskrift af deildum spítalans

• Gerðar eru minniháttar aðgerðir í staðdeyfingu og sýnatökur

• Móttaka vegna vandamála í grindarbotni

• Eftirfylgni eftir hjáveituaðgerð

• Stómaþegum sinnt með ráðgjöf, kennslu og stuðningi

Starfið er því afar fjölbreytt og krefjandi og gefur mikla möguleika til starfsþróunar.

Á deildinni er markvisst unnið að umbótum og framþróun og einkennist vinnuandinn af samvinnu, metnaði og góðum liðsanda. Hér er tækifæri fyrir framsækinn og metnaðarfullan hjúkrunarfræðing sem hefur áhuga á að vinna í teymi en einnig sjálfstætt og af frumkvæði. Í boði er einstaklingsmiðuð aðlögun undir leiðsögn reyndra hjúkrunarfræðinga. Starfshlutfall er 60-100% dagvinna og er starfið laust nú þegar eða eftir nánara samkomulagi.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.