Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérfræðilæknar í geðlækningum

Leitað er eftir sérfræðilæknum í geðlækningum sem hafa áhuga á að vinna í umhverfi þar sem fjölbreytni, metnaður og þverfagleg teymisvinna eru í fyrirrúmi, með áherslu á umbótastarf og öryggi. Um er að ræða fjölbreytt störf á ýmsum einingum innan geðþjónustunnar og eru umsækjendur hvattir til að nefna áhugasvið sitt í umsóknarferlinu.

Geðþjónusta Landspítala er stærsti þjónustuveitandi 3. stigs geðheilbrigðisþjónustu á Íslandi og veitir ráðgjöf til geðþjónustuaðila á landinu öllu.

Störf sérfræðilækna í geðþjónustu eru á legudeildum, dagdeildum og göngudeildum, í bráðaþjónustu, endurhæfingarþjónustu og réttar- og öryggisgeðþjónustu, sem og á meðferðareiningum geðrofssjúkdóma og lyndisraskana.

Störfin eru laus frá 1. desember 2026 eða eftir nánara samkomulagi.

Menntunar- og hæfniskröfur

Íslenskt sérfræðileyfi í geðlækningum

Áhugi á að veita vandaða og gagnreynda meðferð

Áhugi á að starfa í sérhæfðri geðheilbrigðisþjónustu bráðasjúkrahúss

Mikil hæfni í samskiptum áskilin, faglegur metnaður og sjálfstæði í vinnubrögðum

Áhugi á þróun og sérhæfingu í starfi, sveigjanleiki til að tileinka sér nýjungar

Helstu verkefni og ábyrgð

Mat og greining á bráðum og alvarlegum geðrænum vanda

Þátttaka í þverfaglegri teymisvinnu

Þátttaka í kennslu og vísindastarfi, fræðslu og handleiðslu

Þátttaka í gæða-, umbóta- og rannsóknastarfi

Vaktþjónusta geðlækna og ráðgjöf geðlækna í geðþjónustu

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.3 í gildandi kjarasamningi lækna og ríkisins.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum og starfsleyfum
Ferilskrá þar sem tilgreind er reynsla af kennslu, vísindavinnu og stjórnunarstörfum
Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed
Kynningarbréf með rökstuðningi fyrir hæfni og sýn á starfið

Fylgiskjöl skulu vera á pdf formi.

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Sérfræðilæknir,

Tungumálahæfni: Íslenska 4/5, enska 4/5

Staðsetning: Hringbraut, 101 Reykjavík

Nánari upplýsingar

Halldóra Jónsdóttir

Tölvupóstur: [email protected]

Auglýsing birt15. október 2026

Umsóknarfrestur2. nóvember 2026

Tungumálahæfni

Íslenska

Nauðsyn

Mjög góð

Enska

Nauðsyn

Mjög góð

Starfstegund

Starfsgreinar

Starfsmerkingar

Fleiri störf (24)