Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Heilbrigðisgagnafræðingur - Líknarlækningar

Við sækjumst eftir heilbrigðisgagnafræðingi til fjölbreyttra og sérhæfðra starfa á skrifstofu líknarlækninga í Kópavogi. Starfið felur í sér mikil samskipti og fjölbreytt og krefjandi verkefni. Unnið er í teymi með sérfræðilæknum í líknarlækningum og öðru starfsfólki einingarinnar og er heilbrigðisgagnafræðingur þjónustunnar mikilvægur hluti teymisins.

Deildin heyrir undir krabbameinsþjónustu Landspítala og samanstendur af 12 rúma legudeild, göngudeild, sérhæfðri líknarheimaþjónustu (HERA) og líknarteymi sem veitir ráðgjöf innan og utan spítalans. Líknarmiðstöð Landspítala heyrir einnig undir starfsemi líknarþjónustunnar, en miðstöðin hefur það hlutverk að veita fræðslu, sinna kennslu, rannsóknum og framþróun í faginu.

Starfshlutfall er 80-100%, unnið er í dagvinnu og er starfið laust frá 1. október 2025 eða eftir nánara samkomulagi.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Menntunar- og hæfniskröfur

Starfsleyfi sem heilbrigðisgagnafræðingur

Öguð, sjálfstæð og skipulögð vinnubrögð

Jákvætt viðmót og góðir samskiptahæfileikar

Gott vald á íslensku og ensku

Góð tölvuþekking og færni í helstu tölvuforritum

Helstu verkefni og ábyrgð

Umsjón og frágangur sjúkragagna (sjúkraskráa og læknabréfa) og almenn skrifstofustörf

Þátttaka i teymisvinnu

Skipuleggja og hafa yfirsýn yfir fundi, vinnustofur og aðra viðburði innan sérgreinarinnar

Svörun ráðgjafarsíma í samvinnu við hjúkrunarfræðing og sérfræðilækna

Upplýsingagjöf og samskipti við sjúklinga, starfsmenn og stofnanir

Þátttakandi í þróun upplýsingatækni við ritun í rafræna sjúkraskrá þjónustunnar

Vinna að verkefnum tengdum klínískri skráningu

Samvinna og samstarf við aðrar sérgreinar

Ýmis verkefni fyrir sérfræðinga og fagfólk sérgreinarinnar

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, heilbrigðisgagnafræðingur

Íslenska 4/5, enska 4/5

Nánari upplýsingar

Arna Dögg Einarsdóttir, [email protected], 825-3610

Líknardeild Kópavogi læknar

Kópavogsbraut 5-7

200 Kópavogur

Auglýsing birt10. september 2025

Umsóknarfrestur23. september 2025

Tungumálahæfni

Enska

Nauðsyn

Mjög góð

Staðsetning

Kópavogsbraut 5B, 200 Kópavogur

Starfstegund

Starfsgreinar

Starfsmerkingar

Fleiri störf (50)