Forstöðumaður orkumiðlunar

Við hjá Landsvirkjun leitum að drífandi og framsýnum leiðtoga til að taka við starfi forstöðumanns orkumiðlunar á sviði Sölu og þjónustu. Orkumiðlun ber ábyrgð á þátttöku fyrirtækisins á raforkumarkaði og mótun vöruframboðs. Forstöðumaður leiðir þróun vöruframboðs í heildsölu, tryggir virkni viðskiptavefjar og hefur áhrif á hvernig við mætum þörfum viðskiptavina. Þetta eru spennandi verkefni á tímum breytinga og framþróunar á raforkumörkuðum. Í starfinu felst tækifæri til að leiða öflugt teymi og þróa lausnir sem skipta máli fyrir viðskiptavini og samfélagið í heild.

Helstu verkefni:

• Móta starfsemi orkumiðlunar til framtíðar
• Leiða teymið, styðja við þróun þess og þekkingu
• Greina stöðu og þróun heildsölumarkaðar
• Selja raforku með þátttöku á skipulegum raforkumarkaði
• Þróa viðskiptavef og ferla sem snúa að rekstri raforkusamninga

Menntun og reynsla:

• Háskólamenntun og reynsla sem nýtist í starfi
• Reynsla af orkumarkaði og/eða upplýsingatækni er kostur
• Leiðtogafærni, reynsla af stjórnun og uppbyggingu teyma er kostur
• Jákvæðni, samskiptafærni, drifkraftur og lausnamiðuð nálgun

Hvernig vinnustaður er Landsvirkjun?

Við leggjum áherslu á fagmennsku, sjálfbærni og stöðugar umbætur. Hjá okkur færðu tækifæri til að vinna að metnaðarfullum verkefnum sem hafa raunveruleg áhrif á samfélagið. Við styðjum við starfsfólk okkar með símenntun, sveigjanleika og góðu starfsumhverfi og menningu, þar sem jafnrétti, traust og samvinna eru í forgrunni.

Hljómar þetta spennandi?

Sendu okkur umsókn með ferilskrá og kynningarbréfi þar sem þú segir frá reynslu þinni og áhuga á starfinu.