Stjórnandi búsetuþjónustu velferðarsviðs
Vilt þú leiða faglega þjónustu og rekstur í ört vaxandi sveitarfélagi?
Velferðarsvið Mosfellsbæjar leitar að drifmiklum og reyndum leiðtoga í nýtt og mikilvægt starf stjórnanda búsetuþjónustu. Um er að ræða lykilhlutverk í nýju skipulagi sviðsins þar sem áhersla er lögð á skýra stjórnun, öflugt stuðningsnet við forstöðumenn og gæði í þjónustu við fatlað fólk.
Stjórnandi búsetuþjónustu heyrir beint undir sviðsstjóra velferðarsviðs og tilheyrir stjórnendateymi velferðarsviðs. Hann er rekstrarlegur bakhjarl allra starfsstöðva í málaflokki fatlaðs fólks. Hann tryggir að búsetukjarnar og aðrar útstöðvar virki sem skyldi, styður forstöðumenn í flóknum mannauðsmálum og sér til þess að auðlindir nýtist þar sem þörfin er mest.
-
Fagleg forysta og gæðastjórnun: Ber ábyrgð á að þjónusta á vettvangi sé í samræmi við lög, gæðaferla og hugmyndafræði um valdeflingu og sjálfstætt líf.
-
Stuðningur við forstöðumenn: Er næsti yfirmaður og hvetjandi leiðtogi forstöðumanna í 13 búsetu- og virkniúrræðum Mosfellsbæjar. Veitir þeim stuðning, tæki og tól til að stýra sínum einingum af öryggi.
-
Rekstur og áætlanagerð: Hefur yfirumsjón með að rekstur og mönnun starfseininga sé innan fjárhagsramma og styður forstöðumenn við gerð launa- og rekstraráætlana.
-
Mannauðsmál: Samræmir mönnun á milli starfsstöðva, styður við ráðningar og leiðir vinnu við að skapa jákvæða vinnustaðamenningu.
-
Samþætting: Tryggir gott upplýsingaflæði á milli skrifstofu velferðarsviðs og stjórnenda og starfsfólks á vettvangi búsetuþjónustu.
-
Menntun: Háskólamenntun sem nýtist í starfi (t.d. stjórnun, viðskiptafræði, þroskaþjálfun eða félagsráðgjöf). Framhaldsmenntun á sviði stjórnunar og reksturs er kostur.
-
Stjórnun og rekstur: Reynsla af stjórnun, rekstri og starfsmannahaldi þar sem viðkomandi hefur sýnt fram á árangur í að ná rekstrarmarkmiðum og efla starfsánægju. Skilningur á þeim áskorunum sem fylgja sólarhringsþjónustu er kostur.
-
Breytingastjórnun: Reynsla og brennandi áhugi á að leiða jákvæðar breytingar á skipulagi og vinnulagi. Hæfni til að greina tækifæri til umbóta og fylgja þeim eftir með skýrum hætti.
-
Faglegur skilningur: Góð þekking á málaflokki fatlaðs fólks og réttindum þeirra er kostur. Skilningur á hugmyndafræði um valdeflingu og sjálfstætt líf.
-
Rekstrarlæsi og tæknifærni: Framúrskarandi hæfni til að vinna með fjárhagsáætlanir og greina rekstrartölur. Viðkomandi þarf að vera tæknilega þenkjandi og geta nýtt upplýsingatækni og stafrænar lausnir til að bæta skilvirkni og eftirlit í rekstri.
-
Samskipti og forysta: Mikil samskiptahæfni, tilfinningagreind og geta til að starfa sem hvetjandi bakhjarl forstöðumanna. Hæfni til að miðla málum, byggja upp traust og skapa samstöðu.
Íslenska
Enska
