Laus störf Hæfnileit Vinnustaðir Námskeið

Kópavogslaug

Kópavogslaug hefur um árabil verið ein vinsælasta sundlaug landsins síðastliðin ár og er einn stærsti sundstaður höfuðborgarsvæðisins. Hjá lauginni starfa rúmlega 35 mannsvið þjónustustörf, þrif og öryggisgæslu. Sundlaugarnar eru fjórar, ein 50 m útilaug og 25 m innlaug sem báðar er hægt að nýta í keppni, minni innanhúss kennslulaug auk rennibrautarlaugar. Sjö heitir pottar eru dreifðir um svæðið. Einnig er eimbað á svæðinu og kaldur pottur. Heilsuræktarstöð er í kjallara sundlaugarinnar. Sundlaugin er við Borgarholtsbraut 17.

Vinnustaðurinn

Forstöðumaður Kópavogslaugar - afleysing

Kópavogslaug er ein vinsælasta sundlaug landsins og mikilvægur samkomustaður fyrir íbúa og aðra gesti á öllum aldri. Við leitum að öflugum og lausnamiðuðum leiðtoga í starf forstöðumanns laugarinnar.

Starfið felur í sér yfirumsjón með daglegum rekstri, fjármálum, mannauðsmálum, öryggismálum og þjónustu við gesti. Forstöðumaður leiðir starfsemi laugarinnar í nánu samstarfi við deildarstjóra íþróttadeildar og aðra hagaðila.

Um er að ræða tímabundið starf í 6 mánuði með möguleika á framlengingu. Viðkomandi þarf að geta hafið störf eins fljótt og auðið er.

Helstu verkefni og ábyrgð

Ber ábyrgð á daglegum rekstri og starfsemi Kópavogslaugar
Stýrir nýtingu mannvirkisins með hliðsjón af þörfum almennings, skóla, íþróttafélaga og annarra notenda
Ber ábyrgð á starfsmannamálum, þar á meðal ráðningum, þjálfun, starfsþróun og launamálum
Hefur umsjón með skipulagi vakta og mönnun í samráði við vaktstjóra
Ber ábyrgð á öryggismálum laugarinnar og tryggir að starfsemi sé í samræmi við lög reglur þar um
Tryggir góða þjónustu og fagleg samskipti við gesti og aðra notendur laugarinnar.
Annast samskipti við skóla vegna sundkennslu og tryggir að kennarar og leiðbeinendur uppfylli tilskildar hæfniskröfur
Ber ábyrgð á aðgangs- og sölukerfum laugarinnar og að þau séu ætíð uppfærð og í samræmi við kröfur
Hefur umsjón með tækjabúnaði, viðhaldi og endurbótum í samstarfi við deildarstjóra og eignadeild
Tekur þátt í markaðs- og kynningarmálum sem tengjast starfsemi laugarinnar
Sinnir skýrslugjöf og gagnaskilum vegna reksturs og starfsemi
Fylgist með nýjungum á sviði reksturs, þjónustu, öryggis og umhirðu sundlauga
Sinnir öðrum verkefnum samkvæmt ákvörðun yfirmanns

Menntunar- og hæfniskröfur

Háskólamenntun á sviði íþrótta-, tómstunda-, uppeldis- eða viðskipta-/rekstrarfræða
Framhaldsmenntun á framangreindum sviðum er kostur
Góð reynsla af stjórnunar- og/eða rekstrarstörfum er skilyrði
Þekking og reynsla af mannauðsstjórnun
Framúrskarandi samskipta- og leiðtogahæfni
Frumkvæði, skipulagshæfni og geta til að vinna sjálfstætt
Lausnamiðuð hugsun og hæfni til að leiða hóp
Góð tölvukunnátta og færni í notkun upplýsingakerfa
Gott vald á íslensku í ræðu og riti

Fríðindi í starfi

Starfsfólk Kópavogsbæjar fær frían aðgang að sundlaugum bæjarins.

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Umsóknarfrestur er til og með 31. október 2026.

Tekið verður mið af jafnréttisstefnu Kópavogsbæjar við ráðningu í starfið.

Nánari upplýsingar veitir Gunnar Guðmundsson, deildarstjóri íþróttadeildar í netfanginu [email protected]

Tekið er við umsóknum í gegnum ráðningarvef Alfreðs.

Auglýsing birt21. október 2026

Umsóknarfrestur31. október 2026

Tungumálahæfni