Laus störf Hæfnileit Vinnustaðir Námskeið

FSRE

Framkvæmdasýslan - Ríkiseignir (FSRE) er opinber stofnun sem hefur það hlutverk að þróa og reka aðstöðu á vegum ráðuneyta, stofnana og annarra ríkisaðila með hagkvæmum, vistvænum og ábyrgum hætti. FSRE ber ábyrgð á skipulagningu, þróun, nýtingu og rekstri fasteigna í eigu íslenska ríkisins. Fasteignasafn ríkisins er eitt af stærstu fasteignasöfnum landsins með um 530 þúsund fermetrum húsnæðis. Stofnunin leigir þar að auki um 100 þúsund fermetra húsnæðis á almennum markaði til framleigu fyrir stofnanir og ráðuneyti. Jarðasjóður, sem einnig er hluti af FSRE, heldur utan um eignarhald og umsýslu á um 380 jörðum og jarðeignum ríkisins með það að markmiði að nýta land og auðlindir á ábyrgan og sjálfbæran hátt. Um þessar mundir vinnum við að um 130 þróunarverkefnum sem snerta flest svið mannlífsins; s.s. heilbrigðis- og velferðarmál, menningu, menntun, löggæslu, dómskerfi, náttúru og friðlýst svæði. Framundan eru spennandi tímar í þróun sameinaðrar stofnunar. Við leitum því að jákvæðu og drífandi fólki sem hefur brennandi áhuga á að taka þátt í vegferðinni með okkur.

Vinnustaðurinn

Sérfræðingur í opinberum innkaupum

Hjá Framkvæmdasýslunni-Ríkiseignum (FSRE) ráða opinber innkaup miklu um hvernig fjármunum ríkisins er varið í aðstöðu fyrir heilbrigðisþjónustu, menntun, löggæslu, menningu og náttúruvernd um allt land. Nú leitum við að lausnamiðuðum, nákvæmum og framsæknum sérfræðingi með þekkingu og áhuga á opinberum innkaupum í útboðsteymi okkar.

Sem sérfræðingur í opinberum innkaupum veitir þú ráðgjöf og tekur þátt í útboðsmálum vegna framkvæmdaverkefna FSRE, allt frá vali á innkaupaleið og gerð útboðsgagna til mats á tilboðum og undirbúnings samningsgerðar. Þú tilheyrir útboðsteymi FSRE, sem er hluti af þjónustusviði og vinnur í nánu samstarfi við önnur svið stofnunarinnar að verkefnum í umsjón FSRE. Umfang verkefna spannar um 20 milljarða króna á ári og því skiptir fagmennska í innkaupum miklu máli.

Þú færð jafnframt tækifæri til að móta framtíð innkaupamála hjá FSRE, meðal annars með því að einfalda verklag og nýta sjálfvirknivæðingu og gervigreind í innkaupaferlinu. Þetta er tækifæri fyrir einstakling sem hefur góða skipulagshæfni, á auðvelt með samskipti og hefur brennandi áhuga á innkaupum og skilvirkum ferlum.

Helstu verkefni og ábyrgð

Umsjón með innkaupum í samræmi við lög og reglur um opinber innkaup
Ráðgjöf tengd útboðsmálum
Faglegur stuðningur og ráðgjöf þvert á stofnunina
Gerð útboðsgagna og eftirfylgni innkaupaferla
Mat á innsendum tilboðum og undirbúningur samningsgerðar
Framsetning gagna vegna ákvarðanatöku um framgang verkefna
Þátttaka í framþróun innkaupamála og almennum umbótaverkefnum hjá stofnuninni

Menntunar- og hæfniskröfur

Háskólamenntun sem nýtist í starfi
Framúrskarandi samskipta- og samstarfshæfni og rík hæfni í teymisvinnu
Frumkvæði, metnaður, skipulagsfærni og öguð vinnubrögð
Nákvæmni og geta til að halda utan um mörg verkefni samtímis
Góð tök á Office 365 (t.d. Word, Excel og PowerPoint)
Góð íslensku- og enskukunnátta og hæfni í tjáningu í ræðu og riti

Eftirfarandi telst til kosta

Reynsla og þekking af innkaupum og útboðsmálum
Reynsla af verkefnastjórnun
Reynsla og þekking af framkvæmdaverkefnum
Þekking eða reynsla af opinberri stjórnsýslu
Þekking á sjálfvirknivæðingu og nýtingu gervigreindar

Fríðindi í starfi

Hvað við bjóðum

Verkefnamiðað vinnuumhverfi og sveigjanlegan vinnutíma
Fjölbreytt og krefjandi verkefni sem snerta flest svið samfélagsins
Stuðning við þekkingaröflun og starfsþróun, meðal annars aðgang að fjölbreyttum fræðsluveitum og alþjóðlegu tengslaneti
Heilsustyrk og samgöngustyrk
Hádegisþjónustu Maul
Öflugt starfsmannafélag
Fjölskylduvænan vinnustað þar sem lögð er áhersla á jafnrétti og góða vinnustaðamenningu

Um FSRE

FSRE annast fasteignir og jarðir ríkisins, öflun húsnæðis og stýrir framkvæmdum við breytingar, endurbætur og nýbyggingar, með það að leiðarljósi að afla góðs en hagkvæms húsnæðis í allra þágu. Stofnunin heldur utan um stærsta fasteignasafn landsins, 530 þúsund m² húsnæði í 380 eignum auk um 300 jarða og landsvæða. Einnig hefur FSRE umsjón með uppbyggingu ofanflóðavarna og náttúruinnviða um land allt. Hjá FSRE starfa um 70 sérfræðingar með breiða þekkingu á sviði fasteignaumsýslu, framkvæmda og eignastýringar. Við vinnum með gildin FRAMSÝNI - FAGMENNSKA - SAMVINNA að leiðarljósi.

Umsókn

Um fullt starf er að ræða. Laun eru samkvæmt gildandi kjarasamningi viðkomandi stéttarfélags og fjármála- og efnahagsráðherra fyrir hönd ríkissjóðs. Áhugasamir einstaklingar, óháð kyni, eru hvattir til að sækja um.

Auglýsing birt20. október 2026

Umsóknarfrestur3. nóvember 2026

Tungumálahæfni