Laus störf Hæfnileit Vinnustaðir Námskeið

Veitur

Veitur eru framsækið þjónustufyrirtæki sem tengja samfélagið við rafmagn, hita, hreint vatn og fráveitu. Með nýsköpun og samstarfi veitum við lífsgæði til framtíðar. Veitur eru stærsta veitufyrirtæki landsins og þjónustar ríflega 70% landsmanna. Við setjum viðskiptavininn í fyrsta sæti og erum stöðugt að bæta okkur og finna leiðir til þess að þjónusta viðskiptavini okkar enn betur. Til að vita meira um hvernig er að starfa hjá Veitum er tilvalið að heimsækja heimasíðuna okkar, www.veitur.is/vinnustadurinn.

Vinnustaðurinn

Viltu stýra rekstri rafveitu Veitna?

Veitur leita að öflugum leiðtoga til að stýra rekstri rafveitu. Deildin ber ábyrgð á að dreifikerfi rafmagns starfi örugglega og áreiðanlega fyrir tugþúsundir heimila og fyrirtækja, allan sólarhringinn.

Rafveitan stendur á tímamótum. Orkuskipti, rafvæðing samgangna og vaxandi byggð auka álag á dreifikerfið og kröfur um afhendingaröryggi. Á sama tíma eru Veitur að færa viðhald úr viðbragði yfir í fyrirbyggjandi og áhættumiðað verklag. Deildarstjóri reksturs rafveitu gegnir lykilhlutverki í þeirri vegferð.

Um starfið

Deildin tilheyrir sviðinu Veitukerfi og ber ábyrgð á rekstri, ástandi og afköstum dreifikerfis rafmagns. Undir það heyra aðveitustöðvar, dreifistöðvar, há- og lágspennustrengir og tengdur búnaður.

Í deildinni starfa rekstrarstjórar og sérfræðingar rafveitu. Þau bera ábyrgð á kerfunum, þjónustuviðmiðum þeirra og rekstrarkostnaði. Þar starfar einnig stjórnstöð rafveitu, sem vaktar kerfið allan sólarhringinn og stýrir viðbrögðum við truflunum.

Stjórnandinn hefur það hlutverk að byggja upp deild, móta vinnubrögð hennar og leiða þverfaglegt teymi sérfræðinga. Viðkomandi starfar náið með stjórnendum deilda Vatnsmiðla og Eignastýringar og viðhaldsáætlana, og heyrir undir forstöðukonu Veitukerfa.

Helstu verkefni og ábyrgð

Leiða rekstur og viðhald dreifikerfis rafmagns með áherslu á öryggi, afhendingaröryggi og hagkvæmni
Bera ábyrgð á stjórnstöð rafveitu og tryggja skjót og örugg viðbrögð við truflunum og bilunum
Leiða og efla teymi rekstrarstjóra, sérfræðinga og stjórnstöðvar, skýra hlutverk og ábyrgð og byggja upp sterka liðsheild
Taka ákvarðanir um viðhald og endurnýjun á grunni gagna og mats á ástandi og áhættu, í nánu samstarfi við eignastýringu og viðhaldsáætlanir
Færa reksturinn markvisst úr viðbragði yfir í fyrirbyggjandi viðhald og fylgja árangri eftir með skýrum mælikvörðum
Tryggja að rafmagnsöryggi og öryggi starfsfólks séu ávallt í forgrunni
Tryggja að þarfir rafdreifikerfisins til framtíðar, byggðar á reynslu úr rekstri, skili sér inn í langtímaáætlanir og fjárfestingar
Bera ábyrgð á rekstrarkostnaði og fjárhagsáætlun deildarinnar
Innleiða nýjar lausnir og tækni sem auka sveigjanleika, rekstraröryggi og skilvirkni dreifikerfisins

Við leitum að leiðtoga sem hefur:

Sterka leiðtogahæfni og reynslu af að leiða teymi og byggja upp ný vinnubrögð
Metnað til að setja skýr markmið og fylgja þeim eftir þar til árangur næst
Hæfni til að tengja saman gögn og rekstrarreynslu og breyta greiningu í markvissar ákvarðanir og framkvæmd
Sterka kerfishugsun og vinnur markvisst með bæði gögn og fagþekkingu starfsfólks
Reynslu af breytingastjórnun, getur miðlað flóknum málum á skýran hátt og skapað traust, skýra ábyrgð og gott samstarf þvert á fag- og rekstrareiningar
Yfirvegun og góða dómgreind þegar á reynir
Háskólamenntun á sviði rafmagns, til dæmis í rafmagnsverkfræði, rafmagnstæknifræði eða sambærilegu námi

Reynsla af rekstri rafdreifikerfa, orkuvinnslu, stóriðju eða öðru eignafreku rekstrarumhverfi er kostur. Þekking á eftirfarandi er einnig kostur:

rafmagnsöryggismálum og öryggisstjórnun
afhendingaröryggi og gæðum raforku
truflanastjórnun og stjórn- og eftirlitskerfum (SCADA)
áreiðanleikamiðuðu viðhaldi (RCM) eða eignastýringu

Hvers vegna Veitur?

Veitur eru stærsta veitufyrirtæki landsins og reka innviði sem samfélagið treystir á allan sólarhringinn. Við tengjum stóran hluta landsmanna við rafmagn, hita, hreint vatn og fráveitu og vinnum að því að skapa trausta innviði til framtíðar.

Starfið býður upp á einstakt tækifæri til að byggja upp nýja deild og móta hvernig Veitur vinna með eignir, áhættu, viðhald og áreiðanleika næstu árin. Viðkomandi fær að leiða raunverulega breytingu sem á að skila færri bilunum, öruggari þjónustu og markvissari nýtingu tíma og fjármuna.

Við bjóðum fjölbreytt og stuðningsríkt vinnuumhverfi þar sem framsýni, hagsýni, heiðarleiki og frumkvæði skipta máli. Við trúum því að ólík reynsla, þekking og sjónarmið leiði til betri ákvarðana og hvetjum öll sem uppfylla grunnskilyrði starfsins til að sækja um.

Kynntu þér vinnustaðinn nánar á www.veitur.is/vinnustadurinn.

Fríðindi