Laus störf Hæfnileit Vinnustaðir Námskeið

Orka náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun. ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum. ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar. ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Vinnustaðurinn

Ábyrgðaraðili teikninga og tæknigagna

Orka náttúrunnar leitar að ábyrgðaraðila teikninga og tæknigagna

Vilt þú bera ábyrgð á teikningum og tæknigögnum stærstu jarðvarmavirkjana landsins?

Í starfi ábyrgðaraðila teikninga og tæknigagna kemur þú til með að gegna lykilhlutverki við mótun verkferla sem hafa bein áhrif á rekstraröryggi og framtíðarþróun virkjana Orku náttúrunnar.

Helstu verkefni og ábyrgð

Réttar upplýsingar eru grundvöllur öruggrar ákvarðanatöku í rekstri, viðhaldi og uppbyggingu í virkjanarekstri Orku náttúrunnar.

Ábyrgðaraðili teikninga og tæknigagna tryggir að teikningar og tæknigögn virkjana ON séu rétt, uppfærð og aðgengileg.

Starfið er fjölbreytt og snýr bæði að daglegri umsjón og framtíðarþróun alls frá kerfis-, bygginga-, véla- og rafmagnsteikninga til gagnablaða og lykilupplýsinga um búnað.

Í hlutverkinu felst ábyrgð á teikningagagnagrunni Orku náttúrunnar og tæknigögnum búnaðar, teikninga- og hönnunarvinna við breytingar á búnaði og kerfum auk þátttöku í mótun verkferla og umbóta með áherslu á gæði og rekjanleika gagna.

Starfið tilheyrir Tækniþróun, deild þar sem unnið er að þróunar- og fjárfestingarverkefnum, forhönnun og umbótum sem móta framtíð virkjana ON.

Menntunar- og hæfniskröfur

Reynsla af vinnu með teikningar í iðnaðarumhverfi
Góður skilningur á gagnaskipulagi, vinnu í gagnagrunnum, skráningu, útgáfustýringu og rekjanleika tæknilegra gagna
Góð tölvufærni og reynsla af teiknihugbúnaði og/eða tæknilegum upplýsingakerfum
Góð samskiptafærni og lausnamiðuð hugsun
Frumkvæði, nákvæmni og geta til að forgangsraða verkefnum
Menntun sem nýtist í starfi, s.s. á sviði tækniteikni, vélfræði, tæknifræði eða skyldra greina

Umsókn um starfið skal fylgja ferilskrá og kynningabréf þar sem umsækjendur gera grein fyrir hæfni sinni í starfið með vísan í hæfniskröfur.

Við viljum hafa sem fjölbreyttastan hóp starfsfólks og hvetjum því öll kyn til að sækja um starfið.

Umsóknarfrestur er til og með 30. ágúst2026.

Nánari upplýsingar veitir Egill Maron Þorbergsson, deildarstjóri Tækniþróunar,  [email protected].

Farið er með allar umsóknir sem trúnaðarmál.

Um Orku náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun.

ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum.

ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar.

ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Hvernig vinnustaður er Orkuveitan?

Auglýsing birt12. ágúst 2026

Umsóknarfrestur30. ágúst 2026

Tungumálahæfni