Byggingarverk- eða tæknifræðingur á framkvæmdasviði

Verkfræðistofan Norconsult á Íslandi kemur að fjölbreyttum og metnaðarfullum verkefnum um allt land og víðar. Meðal verkefna á framkvæmdasviði má til dæmis nefna Fossvogsbrú og nýja Ölfusárbrú.

Vegna áframhaldandi aukinna umsvifa leitum við nú að byggingarverkfræðingi eða byggingartæknifræðingi á framkvæmdasvið fyrirtækisins. Við leitum að einstaklingi sem hefur haldbæra reynslu og áhuga á að taka þátt í metnaðarfullum verkefnum.

Hjá Norconsult á Íslandi færð þú tækifæri til að vera hluti af öflugu teymi sérfræðinga með stuðningi eins stærsta ráðgjafafyrirtækis Norðurlanda.

Helstu verkefni og ábyrgð

• Framkvæmdareftirlit og eftirfylgni við mannvirkjaverkefni
• Umsjón með afmörkuðum verkefnum og stýring verkefna á framkvæmdastigi
• Ráðgjöf og tæknileg eftirfylgni í tengslum við hönnun og framkvæmd mannvirkja
• Samskipti við verktaka, hönnuði og aðra hagaðila
• Þátttaka í útboðum, verkfundum, framvindueftirliti og úttektum
• Land- og magnmælingar ásamt öðrum verkefnum tengdum framkvæmdasviði

Við leitum að aðila með

• Háskólamenntun í byggingarverk- eða tæknifræði
• Reynslu af verklegum framkvæmdum og framkvæmdaeftirliti
• Reynslu af innviðaverkefnum, jarðvegsframkvæmdum eða öðrum stærri mannvirkjaframkvæmdum
• Góða þekkingu á íslenskum byggingarmarkaði og verklagi
• Drifkraft, skipulagshæfileika og góða samskiptahæfni
• Metnað fyrir faglegum vinnubrögðum og gæðum í framkvæmd

Fríðindi í starfi eru til að mynda

• Tækifæri til að koma að metnaðarfullum og samfélagslega mikilvægum innviðaverkefnum hjá ört vaxandi stofu með sterkan starfsanda og mikla þekkingu
• Árleg tækifæri til hlutabréfakaupa á sérkjörum
• Glæsileg vinnuaðstaða í nýju húsnæði að Dalvegi 30A, í hjarta Kópavogs
• Frábært mötuneyti og líkamsræktaraðstaða í byggingunni
• Íþrótta- og samgöngustyrkur
• Símtækjastyrkur, greiddur farsímareikningur og heimanettenging
• Sveigjanlegur vinnutími

Um Norconsult

Norconsult á Íslandi er partur af alþjóðlegu ráðgjafafyrirtæki og jafnframt stærstu verkfræðistofu Noregs með yfir 7500 starfsmenn þar sem verkefnin spanna frá skipulagi innviða til verkfræði og arkitektúrs. Á íslandi eru unnin verkefn af ýmsum toga á sviðum iðnaðar og orku, innviða, mannvirkja og framkvæmda.

Á Íslandi starfa um 90 manns, þar af um 30 í verk- og tæknifræði og 60 í arkitektúr í sjálfstæðum einingum.

Nánari upplýsingar um vinnustaðinn finnur þú á nýrri heimasíðu www.norconsult.is.

Umsóknarfrestur er til og með 24. ágúst 2026.

Sótt er um starfið á www.vinnvinn.is

Umsjón með starfinu hafa Unnur Ýr Konráðsdóttir ([email protected]) og Jensína Kristín Böðvarsdóttir ([email protected]).