Reykjavíkurborg - Velferðarsvið

Velferðasvið ber ábyrgð á áætlanagerð, samhæfingu og samþættingu verkefna á sviði velferðarþjónustu, eftirliti í samræmi við lög, reglur, samþykktir og pólitíska stefnu í velferðarmálum, mat á árangri og þróun velferðarþjónustu og nýrra úrræða og gerð þjónustusamninga um framkvæmd þjónustunnar. Velferðarsvið býr Reykjavíkurborg ennfremur undir að taka við nýjum velferðarverkefnum frá ríki svo sem í málefnum fatlaðra, öldrunarþjónustu og heilsugæslu. Velferðarsvið ber ábyrgð á framkvæmd þjónustu á sviði velferðarmála, þar með talinni félagsþjónustu fyrir alla aldurshópa og barnavernd. Velferðarsvið ber ábyrgð á rekstri þjónustumiðstöðva Reykjavíkurborgar og starfseininga sem undir þær heyra. Velferðarsvið vinnur með velferðarráði og barnaverndarnefnd og sinnir málefnum þeirra. Þjónustumiðstöðvar vinna með hverfaráðum í hverfum borgarinnar. Velferðarsvið sér einnig um rekstur miðlægrar velferðarþjónustu þvert á borgina, átaksverkefna vegna endurhæfingar fólks, heildstæðu forvarnastarfi í Reykjavík, inntöku í húsnæðis- og búsetuúrræði, rekstur hjúkrunarheimila, rekstur framleiðslueldhúss og rekstur heimahjúkrunar í Reykjavík samkvæmt samningi við ríkið þar um.

Vinnustaðurinn

Við leitum að drífandi og metnaðarfullum stuðningsráðgjafa

Íbúðarkjarninn Tindasel óskar eftir að ráða háskólamenntaðan stuðningsráðgjafa.

Hlutverk stuðningsráðgjafa í íbúðakjarna fyrir fatlaða er m.a. annars að byggja upp og þróa stuðning við fullorðið fatlað fólk á heimili sínu. Unnið er í teymum sem tekur mið af stuðningsþörf fullorðins fatlað fólks í hverfinu. Starfað er eftir stefnu Reykjavíkurborgar í málefnum fatlaðs fólks til að efla færni, auka sjálfstæði, stuðla að jákvæðri sjálfsmynd og auka lífsgæði þeirra.

Markmiðið er að efla lífsgæði einstaklinga og styðja þá til sjálfstæðs lífs eins og að búa sér eigin heimili, nýta vinnutengda stoðþjónustu, auka samfélagsþátttöku og njóta menningar og félagslífs. Leitast er við að einstaklingsmiða þjónustuna og aðlaga hana að breytilegum þörfum og aðstæðum viðkomandi á hverjum tíma. Virða ber sjálfræði einstaklinga og hafa velferð þeirra að leiðarljósi. Stuðningsráðgjafi starfar í samræmi við samning Sameinuðu þjóðanna um réttindi fatlaðs fólks, gildandi lög og reglugerðir í málefnum fatlaðs fólks og félagsþjónustu og önnur viðeigandi lög.

Unnið er á blönduðum vöktum, dagvaktir, kvöldvaktir og helgarvaktir.

Helstu verkefni og ábyrgð

Hvetur og styður íbúa til sjálfshjálpar og félagslegrar virkni.
Er leiðandi í starfsmannahópnum þegar kemur að því að vinna eftir verklagi og hugmyndafræði starfsstaðar.
Tekur þátt í að fræða og leiðbeina öðru starfsfólki í samráði við stjórnendur.
Skipuleggur og ber ábyrgð á framkvæmd einstaklingsáætlana í samráði við forstöðumann og teymisstjóra.
Hefur yfirsýn yfir þá þjónustu sem þjónustunotendur eru að fá.
Tekur þátt í teymisvinnu með öðrum starfsmönnum.
Tekur þátt í sköpun og þróun nýrra tækifæra fyrir þjónustunotendur.

Hæfniskröfur

Háskólamenntun á sviði félags-, heilbrigðis- og/eða menntavísinda sem nýtist í starfi.
Reynsla af starfi með einstaklingum með ólíkar þjónustuþarfir.
Reynsla og þekking á þjónandi leiðsögn, hugmyndafræðinni um sjálfstætt líf og valdeflingu.
Góð hæfni í mannlegum samskiptum og leiðtogahæfni.
Frumkvæði, skipulagshæfni, sveigjanleiki og sjálfstæði í vinnubrögðum.
Góð íslenskukunnátta (B2 eða hærra samkvæmt samevrópskum matsramma).
Góð almenn tölvukunnátta.
Ökuréttindi B.
Hreint sakavottorð í samræmi við lög, sem og reglur Reykjavíkurborgar.

Fríðindi í starfi