Reykjavíkurborg - Velferðarsvið

Velferðasvið ber ábyrgð á áætlanagerð, samhæfingu og samþættingu verkefna á sviði velferðarþjónustu, eftirliti í samræmi við lög, reglur, samþykktir og pólitíska stefnu í velferðarmálum, mat á árangri og þróun velferðarþjónustu og nýrra úrræða og gerð þjónustusamninga um framkvæmd þjónustunnar. Velferðarsvið býr Reykjavíkurborg ennfremur undir að taka við nýjum velferðarverkefnum frá ríki svo sem í málefnum fatlaðra, öldrunarþjónustu og heilsugæslu. Velferðarsvið ber ábyrgð á framkvæmd þjónustu á sviði velferðarmála, þar með talinni félagsþjónustu fyrir alla aldurshópa og barnavernd. Velferðarsvið ber ábyrgð á rekstri þjónustumiðstöðva Reykjavíkurborgar og starfseininga sem undir þær heyra. Velferðarsvið vinnur með velferðarráði og barnaverndarnefnd og sinnir málefnum þeirra. Þjónustumiðstöðvar vinna með hverfaráðum í hverfum borgarinnar. Velferðarsvið sér einnig um rekstur miðlægrar velferðarþjónustu þvert á borgina, átaksverkefna vegna endurhæfingar fólks, heildstæðu forvarnastarfi í Reykjavík, inntöku í húsnæðis- og búsetuúrræði, rekstur hjúkrunarheimila, rekstur framleiðslueldhúss og rekstur heimahjúkrunar í Reykjavík samkvæmt samningi við ríkið þar um.

Vinnustaðurinn

Vilt þú stuðla að virkni og vellíðan í Samfélagshúsi

Samfélagshúsið á Vitatorgi er staðsett á miðbænum á Lindargötu 59 í 101 Reykjavík. Í húsinu fer fram fjölbreytt félagsstarf og viðburðir fyrir fólk á öllum aldri þar sem markmiðið er að efla og virkja fólk til félagslegrar þátttöku og stuðla að bættri andlegri, líkamlegri og félagslegri heilsu og líðan fólks. Í húsinu eru staðsettar þjónustuíbúðir og er áhersla á að dagskrá hússins og starfsemi höfði til eldri borgara en einnig að dagskráin höfði til fólks óháð aldri, kyni og uppruna.

Óskað er eftir háskólamenntuðum starfsmanni í skemmtilegt og fjölbreytt starf sem snýst um að virkja fólk til félagslegrar þátttöku og stuðla bættri heilsu og líðan fólks.

Um er að ræða 100 starf á dagvinnutíma í starfsheitinu virkniþjálfi í félagsstarfi.

Helstu verkefni og ábyrgð

Skipulagning, undirbúningur og framkvæmd félagsstarfs í samráði við þátttakendur, samstarfsfólk og verkefnastjóra
Sér um að skipuleggja og auglýsa dagskrá, námskeið og viðburði
Heldur utan um og styður sértækt hópastarf fyrir fólk
Virkjar fólk til þátttöku í félagsstarfi og styðjur einstaklingsþátttöku
Starfar í virkniteymi
Er í samstarfi með heimaþjónustuteymi, ráðgjöfum og samstarfsaðilum
Sér um innkaup á aðföngum fyrir félagsstarf
Önnur þau verkefni verkefni sem yfirmaður felur

Menntunar- og hæfniskröfur