Alþýðusamband Íslands er stærsta fjöldahreyfing launafólks á landinu. ASÍ berst fyrir bættum kjörum félaga sinna og stendur vörð um réttindi þeirra. Félagar í ASÍ eru 127 þúsund - flestir á almennum vinnumarkaði en einnig hjá ríki og sveitarfélögum. ASÍ gegnir mikilvægu hlutverki í að liðsinna aðildarfélögum og að koma fram fyrir hönd þeirra gagnvart stjórn­völdum og samtökum atvinnurekenda. Auk þess er ASÍ einnig í miklum samskiptum við margvíslegar innlendar og erlendar stofnanir og önnur samtök. Skrifstofa Alþýðusambandsins kappkostar að vera til fyrirmyndar í öllum aðbúnaði og stuðningi við starfsfólk til þess að það geti sinnt hlutverki sínu með sem bestum hætti. Starfsfólk nýtur trausts til góðra verka og miklir möguleikar eru til að vaxa í starfi. Almennt er ASÍ fjölskylduvænn vinnustaður, þótt eðli vinnunnar geti af og til kallað á viðveru utan hefðbundins vinnutíma.