Laus störf Hæfnileit Vinnustaðir Námskeið

Mosfellsbær

Mosfellsbær er sjöunda stærsta bæjarfélag á Íslandi með rúmlega 14.000 íbúa. Sveitarfélagið er staðsett í útjaðri höfuðborgarsvæðisins. Mosfellsbær byggir þjónustu sína á áhugasömu og hæfu starfsfólki sem hefur tækifæri til að rækta þekkingu sína og færni í jákvæðu starfsumhverfi. Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi. Hjá Mosfellsbæ starfa um 1200 starfsmenn. Fjölskylduvæn og sveigjanleg mannauðsstefna styður við þá hugmyndafræði að Mosfellsbær sé eftirsóknarverður vinnustaður þar sem atvinna og fjölskylduábyrgð fara saman. Mosfellsbær er heilsueflandi samfélag sem miðar að því að þróa samfélagslegan ramma utan um markvissa og heildræna heilsueflingu, en verkefninu er ætlað að ná til allra aldurshópa í samfélaginu, bæði íbúa og starfsmanna.

Vinnustaðurinn

Verkefnastjóri Eignasjóðs

Umhverfissvið Mosfellsbæjar leitar að öflugum og launsamiðuðum verkefnastjóra Eignasjóðs, sem býr yfir þekkingu og farsælli reynslu af utanumhaldi verkefna vegna nýframkvæmda og endurbóta.

Verkefnastjóri annast undirbúning, útboð og umsjón framkvæmda á mannvirkjum bæjarfélagsins, og ber ábyrgð á að þær séu innan heimilda gildandi fjárhagsáætlunar. Verkefnastjóri hefur yfirsýn yfir, og eftirlit með, fjárhagslegri stöðu og framvindu verkefna. Verkefnastjóri skal sýna nákvæmni í hvívetna, og búa yfir ríkri samstarfs- og samskiptahæfni. Viðkomandi mun taka þátt í ítrun á faglegu verklagi og vinnubrögðum.

Eignasjóður fer með eigendaforsvar fyrir hönd sveitarfélagsins á öllum fasteignum og samgönguinnviðum, og sér um viðhald, endurbætur og nýframkvæmdir í samræmi við fjárfestingaáætlanir og samþykktir bæjarráðs. Æskilegt er að umsækjandi hafi þekkingu og reynslu af greiningu og framsetningu upplýsinga á skýran hátt.

Helstu verkefni og ábyrgð

Verkefnastýring nýframkvæmda og viðhaldsverkefna.
Þarfa- og kostnaðargreiningar, og kostnaðar- og tímaáætlanir verkefna.
Virkt aðhald og eftirlit með framkvæmd verkefna.
Yfirferð og samþykkt reikninga frá ráðgjöfum, þjónustuaðilum og verktökum.
Kostnaðargát, eftirfylgni, úttektir, uppgjör, skjölun og gerð skilamata verkefna.
Umsjón með útboðsferli og samningum vegna framkvæmdaverkefna.
Samskipti, ráðgjöf og upplýsingamiðlun til hagaðila vegna verkefna.
Önnur tilfallandi verkefni að beiðni næsta yfirmanns.

Menntunar- og hæfniskröfur

Háskólamenntun í verk- eða tæknigreinum, byggingarfræði, verkfræði eða annað sambærilegt nám sem nýtist í starfi.
Framhaldsmenntun á háskólastigi sem nýtist í starfi kostur.
Menntun, vottun eða farsæl reynsla í verkefnastjórnun stór kostur.
Reynsla og þekking á útboðs- og innkaupamálum kostur.
Gott vald á upplýsingatækni og framsetningu gagna æskileg.
Gott vald á aðferðum og tólum til verkefnastjórnunar æskilegt, þekking af eignaumsýslukerfum kostur.
Þekking eða reynsla af opinberri stjórnsýslu kostur.
Frumkvæði, metnaður, skipulagsfærni og öguð vinnubrögð.
Rík samskiptahæfni og lipurð í mannlegum samskiptum.
Jákvæðni og lausnamiðuð hugsun.
Góð íslenskukunnátta og hæfni til að tjá sig í rituðu og töluðu máli er skilyrði, færni í erlendum tungumálum kostur.

Um framtíðarstarf er að ræða og umsóknarfrestur er til og með 1. júní 2026. Umsókn þarf að fylgja starfsferilskrá og kynningarbréf (hvort tveggja á íslensku) þar sem gerð er grein fyrir ástæðu umsóknar og hæfni umsækjanda sem nýtist í starfi. Auk þess skulu prófskírteini fylgja með umsókninni. Launakjör taka mið af kjarasamningi Sambands íslenskra sveitarfélaga og viðkomandi stéttarfélags. Við hvetjum áhugasöm til að sækja um óháð aldri, kyni, uppruna eða fötlun.

Frekari upplýsingar um starfið veitir Magnús Sigurðsson, rekstrarstjóri Eignasjóðs ([email protected])

Auglýsing birt18. maí 2026

Umsóknarfrestur1. júní 2026

Tungumálahæfni