Tómstundaleiðbeinandi í félagsmiðstöðina Vitann – Lækjarskóli

Lækjarskóli óskar eftir að ráða tómstundaleiðbeinanda í félagsmiðstöðina Vitann.
Ráðið er í stöðuna frá 24. ágúst 2026.

Félagsmiðstöðin Vitinn býður börnum og unglingum í 5. – 10. bekk vettvang fyrir fjölbreytt og skemmtilegt tómstundastarf í húsnæði skólans eftir að hefðbundnum skóla lýkur. Starfið er unnið á grunni unglingalýðræðis og í anda forvarna. Vitinn er vettvangur fyrir opið félagsstarf, skipulagða dagskrá, hópastarf og ýmsa viðburði sem starfsfólk framkvæmir með unglingunum.

Starfið er ca. 25% og hentar vel fyrir skólafólk eða fyrir þá sem eru að leita sér að aukavinnu, vinnutíminn er utan hefðbundins vinnutíma.

Helstu verkefni og ábyrgð:

• Tekur þátt í að skipuleggja og móta fjölbreytta dagskrá
• Mikil samskipti og samvinna við börn og unglinga
• Skapa jákvætt andrúmsloft sem byggir á virðingu og lýðræðislegum vinnubrögðum
• Stuðningur við frumkvæði barna og unglinga, tryggir öryggi þeirra og vellíðan
• Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

• Starfsþjálfun, námskeið og/eða nokkur starfsreynsla nægir til að öðlast þá þekkingu sem krafist er
• Reynsla af starfi með börnum og unglingum
• Íslenskukunnátta A2 samkvæmt samevrópska tungumálaramma
• Stundvísi og skipulagshæfni, frumkvæði og sjálfstæð vinnubrögð
• Fjölbreytt áhugasvið sem nýtist í starfi félagsmiðstöðva
• Almenn tölvukunnátta

Skilyrði fyrir ráðningu er að viðkomandi hafi hreint sakavottorð.

Umsóknarfrestur er til og með 22. júní 2026.

Greinargóð ferilskrá fylgi umsókn.

Laun eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.