Starfsmaður í skammtímadvöl fyrir fötluð börn - Svöluhraun

Hafnarfjarðarbær óskar eftir að ráða glaðlynda og áhugasama starfsmenn í skammtímadvöl fyrir fötluð börn. Starfshlutfall er 60% í vaktavinnu og þarf viðkomandi að geta unnið morgun-, kvöld-, nætur- og helgarvaktir aðra hvora helgi. Viðkomandi þarf að geta hafið störf 1. október.

Unnið er eftir hugmyndafræðinni þjónandi leiðsögn.

Skammtímadvöl er fyrir fötluð börn og ungmenni og er misjafnt hvað þau dvelja lengi í senn. Hlutverk með skammtímadvöl er að veita börnum og fjölskyldum þeirra stuðning. Á meðan á dvöl stendur fá börnin og ungmennin aðstoð við sín daglegu verkefni, njóta umönnunar og afþreyingar.

Helstu verkefni og ábyrgð:

• Aðstoða fötluð börn við athafnir daglegs lífs og umönnun
• Skipuleggja afþreyingu og virkja börn og ungmenni til ýmissa tómstunda.
• Samskipti við foreldra
• Almenn heimilisstörf
• Önnur verkefni skv. starfslýsingu

Hæfniskröfur:

• Reynsla af sambærilegu starfi kostur
• Einlægur áhugi á málefnum fatlaðra barna
• Mikilvægir eiginleikar eru sveigjanleiki, samviskusemi, lipurð og jákvætt viðhorf
• Hugmyndaauðgi
• Hæfni í mannlegum samskiptum
• Íslenskukunnátta A2 samkvæmt samevrópskum tungumálaramma
• Starfið krefst góðs líkamslegs atgervis

Skilyrði er að viðkomandi hafi náð 20 ára aldri og hafi hreint sakavottorð.

Frekari upplýsingar um starfið veitir Þorsteinn Már Bogason, [email protected]

Umsóknarfrestur er til og með 21. júlí 2026

Laun samkvæmt gildandi kjarasamningi Sambands íslenskra sveitarfélaga við Starfsmannafélag Hafnarfjarðar

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.