Laus störf Hæfnileit Vinnustaðir Námskeið

Orka náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun. ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum. ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar. ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Vinnustaðurinn

Sölu- og þjónustufulltrúi ON

Viltu þjónusta ánægðustu viðskiptavini á raforkumarkaði?

Við leitum að jákvæðum, metnaðarfullum og þjónustulunduðum einstakling í hlutverk sölu- og þjónustufulltrúa.
Um er að ræða tímabundið starf til eins árs og æskilegt að viðkomandi geti hafið störf þann 4. ágúst nk.

Ef þú hefur áhuga á að vinna í spennandi og tæknilegu starfsumhverfi þá hvetjum við þig til að skoða þetta tækifæri.

Sölu- og þjónustufulltrúar vinna á vöktum, ýmist frá 8:00 - 16:00 eða frá 9:00 - 17:00.

Stefna ON er að auka lífsgæði viðskiptavina okkar með sjálfbærri verðmætasköpun.

Við erum á réttri leið og því til staðfestingar höfum við veitt Ánægjuvoginni viðtöku undanfarin 7 ár.

Helstu verkefni og ábyrgð

Mikilvægustu verkefni sölu- og þjónustufulltrúa felast í að veita viðskiptavinum ON framúrskarandi þjónustu, jafnt í síma og í gegnum rafræna miðla.

Markmið okkar er að tryggja faglega og skilvirka þjónustu í hverju erindi, fylgja þeim eftir frá upphafi til enda og greina tækifæri til umbóta.

Menntunar- og hæfniskröfur

Við leitum að tæknilega sinnuðum einstaklingum með góða tölvufærni
Framúrskarandi þjónustulyndi og færni í mannlegum samskiptum
Starfið gerir kröfu um nákvæmni og vandvirkni
Við fögnum umsækjendum sem hafa færni í þriðja tungumáli en gerum sérstaka kröfu um íslensku- og enskukunnáttu

Við tökum jafnréttið alvarlega

Við viljum hafa sem fjölbreyttastan hóp starfsfólks og hvetjum því öll kyn til að sækja um.

Umsóknarfrestur er til og með 21. júní 2026.

Eingöngu er tekið á móti umsóknum á ráðningarvef ON, www.on.is/storf.

Nánari upplýsingar um starfið veitir Sara Sigurjónsdóttir, teymisstjóri Sölu- og þjónustuvers. í netfanginu [email protected].

Um Orku náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun.

ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum.

ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar.

ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Hvernig vinnustaður er Orkuveitan?

Auglýsing birt5. júní 2026

Umsóknarfrestur21. júní 2026

Tungumálahæfni