Sölu- og bókunarfulltrúi

Sölu- og bókunarfulltrúi – Black Sand Hotel

Black Sand Hotel leitar að metnaðarfullum og árangursdrifnum einstaklingi til starfa sem sölu- og bókunarfulltrúi. Um er að ræða lykilhlutverk innan fyrirtækisins þar sem áhersla er lögð á framúrskarandi þjónustu, öflug samskipti og markvissa sölu.

Starfið felur í sér daglega umsýslu með bókunum hótelsins, samskipti við ferðaskrifstofur, fyrirtæki og einstaka viðskiptavini, auk virkrar þátttöku í sölu- og tekjuöflunarstarfi. Við leitum að einstaklingi sem hefur gaman af samskiptum, vinnur markvisst að árangri og sér tækifæri til að auka sölu og skapa verðmæti fyrir fyrirtækið.

Helstu verkefni

• Umsýsla og eftirfylgni með bókunum hótelsins

• Samskipti við ferðaskrifstofur, samstarfsaðila og viðskiptavini

• Tilboðsgerð og ráðgjöf til viðskiptavina

• Virk sala á gistingu, veitingum og upplifunum

• Eftirfylgni með fyrirspurnum og umbreyting þeirra í staðfestar bókanir

• Þátttaka í tekjustýringu og hámarkun nýtingar og sölu

• Viðhald og uppbygging viðskiptasambanda

• Samstarf við rekstrar- og þjónustuteymi hótelsins

Hæfniskröfur og eiginleikar

• Reynsla af sölu-, bókunar- eða þjónustustörfum

• Framúrskarandi samskipta- og þjónustuhæfni

• Sterk söluhugsun og hæfni til að vinna að skýrum markmiðum

• Sjálfstæð og skipulögð vinnubrögð

• Lausnamiðuð hugsun og frumkvæði

• Góð tölvukunnátta og reynsla af GODO er kostur.

• Mjög góð íslensku- og enskukunnátta í ræðu og riti

• Geta til að vinna vel undir álagi og forgangsraða verkefnum

Árangursmiðað starf

Þetta er ekki hefðbundið bókunarstarf. Starfið er söludrifið og árangur þess er mældur með skýrum árangursvísum, meðal annars tengdum sölu, umbreytingarhlutfalli fyrirspurna í bókanir, tekjuaukningu og þróun viðskiptasambanda. Við leitum því að einstaklingi sem hefur metnað til að ná framúrskarandi árangri og hefur ánægju af því að vinna að mælanlegum markmiðum.

Um Black Sand Hotel

Black Sand Hotel er 79 herbergja boutique-hótel á suðurströnd Íslands þar sem innblástur kemur frá hrárri fegurð náttúrunnar í kring. Við leggjum áherslu á persónulega þjónustu, einstaka upplifun og há gæðaviðmið í öllu sem við gerum.

Skilyrði

• Umsækjendur þurfa að vera búsettir á Íslandi

• Kynningarbréf þurfa að fylgja umsókn

• Húsnæði er ekki í boði

Við hlökkum til að heyra frá einstaklingum sem hafa ástríðu fyrir sölu, þjónustu og árangri og vilja taka þátt í áframhaldandi uppbyggingu Black Sand Hotel.