Laus störf Hæfnileit Vinnustaðir Námskeið

ECIT

ECIT hýsir fjármálatengd verkefni fyrir einstaklinga, félög, fyrirtæki og stofnanir. Við leggjum okkur fram um að greina og skilja þarfir viðskiptavinarins og mikilvægi þess að uppfylla þær. Hjá ECIT getur þú treyst á gæði, trúnað og persónulega þjónustu.

Vinnustaðurinn

Sérfræðingur í launaþjónustu hjá ECIT

Við leitum að metnaðarfullum og lausnamiðuðum launasérfræðingi með ríka þjónustulund, góða samskiptahæfni og áhuga á að taka þátt í áframhaldandi uppbyggingu og þróun launaþjónustu hjá ECIT.

Starfið felur í sér fjölbreytt og krefjandi verkefni á sviði launavinnslu og ráðgjafar, þjónustu við fjölbreyttan hóp viðskiptavina, eftirfylgni með launatengdum málum og þátttöku í þróun og umbótum á verkferlum. Launasérfræðingur starfar sem hluti af öflugu teymi sérfræðinga og vinnur náið með samstarfsfólki að því að tryggja faglega þjónustu, skilvirka verkferla og framúrskarandi upplifun viðskiptavina.

Við bjóðum

Áhugavert og fjölbreytt starf í öflugu teymi sérfræðinga.
Tækifæri til að taka þátt í þróun þjónustu, verkferla og nýrra lausna.
Framsækið og metnaðarfullt starfsumhverfi með áherslu á nýsköpun og tækni.
Öflugt samstarfsfólk, góða vinnustaðamenningu og sveigjanleika.
Tækifæri til starfsþróunar innan öflugs og vaxandi fyrirtækis.

Unnið verður úr umsóknum jafnóðum og æskilegt er að viðkomandi geti hafið störf sem fyrst.

Helstu verkefni og ábyrgð

Leiða og efla launateymið og stuðla að jákvæðri og árangursdrifinni teymismenningu.
Bera ábyrgð á mönnun, verkefnastýringu og skilvirkri nýtingu auðlinda innan teymisins.
Tryggja framúrskarandi þjónustu, gæði og skil á launavinnslu samkvæmt verkferlum og tímamörkum.
Stuðla að áframhaldandi þróun launaþjónustunnar með umbótum á verkferlum, kerfum og þjónustu.
Fylgja eftir rekstrarlegum markmiðum teymisins, þar á meðal nýtingu, afköstum og arðsemi verkefna.
Bera ábyrgð á innleiðingu nýrra viðskiptavina og stuðla að sterkum og farsælum viðskiptasamböndum.
Vinna náið með stjórnendum, starfsfólki og viðskiptavinum að áframhaldandi vexti og árangri launaþjónustunnar.

Menntunar- og hæfniskröfur

Menntun sem nýtist í starfi.
Reynsla af launavinnslu og góð þekking á launamálum.
Sterk samskiptahæfni.
Sjálfstæð og skipulögð vinnubrögð.
Áhugi á nýrri tækni, sjálfvirknivæðingu og tækifærum sem felast í stafrænni þróun og umbótum.
Góð tölvukunnátta og reynsla af notkun upplýsingakerfa.
Góð íslensku- og enskukunnátta í ræðu og riti.

Nánari upplýsingar veitir Elísabet Ósk Guðjónsdóttir, Mannauðsstjóri ([email protected])

Auglýsing birt12. nóvember 2026

Umsóknarfrestur26. nóvember 2026

Tungumálahæfni