Sérfræðingur í fjármálum

Viltu taka þátt í að byggja upp fjármálin hjá fyrirtæki í vexti?

Íþróttir skipta máli. Þær sameina fólk, halda börnum og ungmennum virkum og styrkja samfélög. Á bak við öflugt íþróttastarf standa félög, sjálfboðaliðar og þjálfarar sem leggja mikið á sig, og Abler er til staðar fyrir þau.

Yfir 1.000 félög og samtök nota lausnir okkar til að halda utan um skráningar, greiðslur, skipulag og samskipti, ásamt appi fyrir iðkendur, foreldra og þjálfara. Abler er vel þekkt á Íslandi og vörur okkar eru í mikilli daglegri notkun. Nú sækjum við af krafti á erlenda markaði ásamt því að styðja áfram við íslenskt íþróttastarf.

Eitt af gildum okkar er sigurhugarfar. Við setjum markið hátt, tökum ábyrgð, lærum hratt og leitum stöðugt betri leiða til að þjóna viðskiptavinum okkar.

Með vextinum stækka fjármálin og við leitum að sterkum leikmanni í fjármálateymið. Starfið hentar vel aðila sem hefur grunn í bókhaldi og uppgjörum og vill vaxa hratt í starfi. Þú tekur að þér daglegan fjármálarekstur, uppgjör, reikningagerð og innheimtu og tekur virkan þátt í að byggja upp fjármálainnviði sem vaxa með félaginu.

Starfið heyrir undir fjármála- og rekstrarstjóra og felur í sér samstarf þvert á öll teymi.