Sérfræðingur / teymisstjóri – launakeyrslur

Viltu hafa raunveruleg áhrif á hvernig launavinnsla ríkisins þróast til framtíðar?

Fjársýslan leitar að drífandi og lausnamiðuðum sérfræðingi sem vill leiða framþróun í launakeyrslum ríkisins – einstaklingi sem sameinar faglega dýpt, sterka greiningarhæfni og hæfni til að leiða teymi að skýrum markmiðum.

Framundan eru spennandi verkefni þar sem lögð er áhersla á að einfalda og bæta ferla, auka sjálfvirkni og tryggja áreiðanleika, gagnaöryggi og virðisaukandi þjónustu. Í starfinu færð þú tækifæri til að hafa mótandi áhrif á þróun launakerfa og vinnubragða, á sama tíma og þú tryggir skilvirk og ábyrg skil verkefna.

Þú munt leiða og styðja teymi sérfræðinga, stýra verkefnum og vinna náið með ríkisaðilum að umbótum og betri þjónustu.

Helstu verkefni og ábyrgð

Leiða og þróa launakeyrslur og tengd verkefni
Drífa áfram umbætur á ferlum, verklagi og stafrænum lausnum
Fagleg stýring teymis og verkefnastjórnun
Greining og úrvinnsla gagna úr launakerfum
Kortleggja tækifæri til aukinnar skilvirkni og umbóta
Samskipti og samstarf við ríkisaðila
Fræðsla, ráðgjöf og miðlun þekkingar

Menntunar- og hæfniskröfur

Hefur háskólamenntun sem nýtist í starfi
Ert töluglögg/ur með sterka greiningarhæfni og lausnamiðað hugarfar
Hefur reynslu af launakerfum og/eða bókhaldi
Þekkir kjarasamninga og túlkun þeirra
Hefur leiðtogahæfni, þjónustulund og góða samskiptahæfni
Vinnur skipulega, sýnir frumkvæði og leggur áherslu á nákvæmni
Hefur gott vald á íslensku og ensku

Umsókn þarf að fylgja ítarleg starfsferilskrá og kynningarbréf (hvort tveggja á íslensku) þar sem gerð er grein fyrir ástæðu umsóknar og hæfni umsækjanda til að gegna starfinu. Öllum umsóknum verður svarað að ráðningu lokinni og geta umsóknir gilt í sex mánuði frá birtingu auglýsingar, sbr. reglur nr. 1000/2019 um auglýsingar lausra starfa. Um 100% starf er að ræða og eru laun samkvæmt gildandi kjarasamningi milli fjármála- og efnahagsráðherra og viðeigandi stéttarfélags. Við ráðningu í starfið er farið eftir jafnréttisstefnu Fjársýslunnar.

Nánari upplýsingar veitir Kristín Guðmundsdóttir mannauðsstjóri ([email protected]).

Um Fjársýsluna

Fjársýslan er þjónustu- og þekkingarstofnun á sviði opinberra fjármála. Við vinnum með ríkisaðilum að því að bæta fjármála- og mannauðsstjórnun og skapa raunverulegt virði með skilvirkum og áreiðanlegum lausnum.

Auglýsing birt11. maí 2026

Umsóknarfrestur26. maí 2026

Tungumálahæfni