Laus störf Hæfnileit Vinnustaðir Námskeið

Reitir

Reitir er leiðandi fyrirtæki í fasteignaþróun, umsýslu og eignarhaldi atvinnuhúsnæðis á Íslandi. Við mótum framtíðina með sjálfbærri uppbyggingu og sterkum langtímasamböndum sem skapa ávinning fyrir leigutaka, fyrirtækið og samfélagið. Á sama tíma hlúum við að sögufrægum byggingum og stöndum vörð um íslenskan menningararf. Hjá Reitum vinnur fjölbreyttur hópur sérfræðinga að því að þróa lífleg borgarhverfi og tryggja vandaða umsjón með eignum. Í starfi okkar leggjum við áherslu á vellíðan, jafnrétti og tækifæri til starfsþróunar – allt í takt við gildin okkar: jákvæðni, fagmennska og samvinna. Reitir er almenningshlutafélag skráð í Kauphöll Íslands og byggir á traustri arfleifð með skýra framtíðarsýn.

Vinnustaðurinn

Sérfræðingur í markaðsmálum og samskiptum

Reitir óska eftir að ráða til sín sérfræðing á sviði markaðsmála og samskipta. Um er að ræða fjölbreytt starf þar sem viðkomandi mun stýra verkefnum, vinna náið með ólíkum teymum innan félagsins og eiga í samstarfi við ýmsa utanaðkomandi aðila.

Við leitum að einstaklingi með brennandi áhuga á markaðs- og samskiptamálum og getu til að leiða verkefni frá upphafi til enda. Viðkomandi þarf að geta unnið með gögn með markvissum hætti og taka þátt í að útbúa efni fyrir hina ýmsu miðla félagsins.

Starfið tilheyrir skrifstofu forstjóra og býður upp á spennandi tækifæri til að starfa þvert á félagið, læra og þroskast í starfi og hafa áhrif á markaðs- og samskiptaverkefni.

Helstu verkefni og ábyrgð

Verkefnastjórnun fjölbreyttra verkefna á sviði markaðsmála og samskipta
Framleiðsla efnis og textaskrif
Umsjón með stafrænum miðlum
Samskipti við ýmsa verktaka og þjónustuaðila
Greining, framsetning og utanumhald gagna um samskipti, markaðsmál, samfélagsmiðla, vefmál, auglýsingaherferðir og fleira

Menntunar- og hæfniskröfur

Háskólamenntun sem nýtist í starfi
Starfsreynsla í tengdum verkefnum er kostur
Skipulögð og sjálfstæð vinnubrögð
Góð færni í textaskrifum, útbúa efni á íslensku í kynningar, fréttatilkynningar og fleira.
Góð almenn tæknikunnátta og áhugi á að tileinka sér nýja tækni
Greining og framsetning gagna og upplýsinga
Góð færni í mannlegum samskiptum
Lausnamiðuð hugsun og frumkvæði
Góð kunnátta í íslensku og ensku
Áhugi eða reynsla af markaðsmálum og samskiptum

Umsóknarfrestur er til og með 10.júní 2026.

Nánari upplýsingar um starfið veitir Lára Hilmarsdóttir, samskiptastjóri Reita: [email protected], s: 825-8422.

Um Reiti

Reitir hf. er íslenskt hlutafélag og hefur verið skráð á Nasdaq Iceland síðan 2015. Starfsemi Reita felst í eignarhaldi, útleigu og umsýslu atvinnuhúsnæðis sem að stærstum hluta er verslunar- og skrifstofuhúsnæði á höfuðborgarsvæðinu. Fasteignir félagsins eru í dag rúmlega 150 talsins og safnið er um 490 þúsund fermetrar að stærð. Meðal fasteigna Reita má nefna stærstan hluta verslunarmiðstöðvarinnar Kringlunnar, Spöngina og Holtagarða, Hótel Borg, Hotel Hilton Nordica og Hótel Reykjavík Natura auk skrifstofubygginga við Höfðabakka 9 og að Vínlandsleið. Þar að auki er félagið virkt í fasteignaþróun og fer með þróun og uppbyggingu á yfir 1.000 íbúðum og 130.000 fermetrum af atvinnuhúsnæði. Tekjur félagsins námu 18,2 ma. kr. árið 2025 og fjárfestingareignir þess voru metnar á 252 ma. kr. við árslok.

Auglýsing birt1. júní 2026

Umsóknarfrestur10. júní 2026

Tungumálahæfni