Sölu- og verkefnastjóri
Víbrur leitar að öflugum og metnaðarfullum sölu- og verkefnastjóra til starfa. Um er að ræða fjölbreytt og ábyrgðarmikið starf sem felur í sér sölu, samskipti við viðskiptavini, verkefnastjórn og eftirfylgni með framleiðslu markaðsefnis. Starfið hentar einstaklingi sem hefur sterka samskiptahæfni, brennur fyrir markaðsmálum og getur haldið utan um mörg verkefni í hröðu og skapandi umhverfi.
Víbrur er framleiðslufyrirtæki og markaðsstofa sem sérhæfir sig í framleiðslu á efni fyrir samfélagsmiðla og stafræna miðla. Við vinnum með fjölbreyttum fyrirtækjum og vörumerkjum að hugmyndavinnu, framleiðslu og dreifingu efnis sem nær til markhópa og skilar árangri. Við leggjum áherslu á fagmennsku, frumkvæði, sköpunargleði og hraða framkvæmd. Um er að ræða starf í verktöku.
- Umsjón með söluferli og eftirfylgni við nýja og núverandi viðskiptavini.
- Tilboðsgerð, verðlagning og samningaviðræður.
- Verkefnastýring markaðs- og framleiðsluverkefna frá hugmynd til afhendingar.
- Samskipti við viðskiptavini, tökulið, áhrifavalda og aðra samstarfsaðila.
- Skipulagning tökudaga, framleiðsluáætlana og birtinga.
- Eftirfylgni með verkefnum, kostnaði, skilafrestum og gæðum.
- Þátttaka í þróun þjónustu, vinnuferla og vexti fyrirtækisins.
- Reynsla af sölu, verkefnastjórnun eða markaðsmálum.
- Framúrskarandi samskipta- og þjónustuhæfni.
- Sjálfstæð, skipulögð og lausnamiðuð vinnubrögð.
- Hæfni til að vinna með mörg verkefni samtímis og ná árangri undir álagi.
- Góð íslensku- og enskukunnátta í ræðu og riti.
- Áhugi á markaðssetningu, samfélagsmiðlum og skapandi verkefnum.
- Frumkvæði, metnaður og sterk ábyrgðarkennd.
Íslenska
Enska