Laus störf Hæfnileit Vinnustaðir Námskeið

IKEA

Í dag starfa um 450 manns hjá IKEA á Íslandi, í lifandi alþjóðlegu umhverfi. Þessi stóri samheldni hópur vinnur daglega að framgangi hugmyndafræði IKEA: „Að gera daglegt líf þægilegra fyrir sem flesta“. Fjölbreytni er lykill að velgengni. Hjá IKEA, fögnum við öllum víddum fjölbreytileikans. Við leggjum áherslu á að skapa vinnuumhverfi þar sem öll eru velkomin, virt, studd og vel metin, sama hver þau eru eða hvaðan þau koma. Við erum fullviss um að sérstaða allra einstaklinga gerir IKEA betri. Hér í IKEA leggjum við mikla áherslu á jákvæð samskipti á vinnustað og teljum sveigjanleika í starfi og samræmi milli vinnu og einkalífs vera mikilvægan þátt í starfsánægju. Starfsemi fyrirtækisins býður upp á skapandi og skemmtileg störf og mikla möguleika á að þróast og vaxa í starfi – með jákvæðni að leiðarljósi.

Vinnustaðurinn

Markaðssérfræðingur

Við leitum að einstaklingi í öflugt markaðsteymi IKEA á Íslandi. Viðkomandi þarf að hafa sterkt auga fyrir hönnun og brenna fyrir að skapa gott efni og koma góðum hugmyndum í framkvæmd. Góð færni í grafískri hönnun og gerð myndbanda fyrir samfélagsmiðla er nauðsynleg. Ráðningin er frá ágúst til eins árs, með möguleika á framlengingu.

Helstu verkefni og ábyrgð

Umsjón með innri og ytri markaðssetningu
Samfélagsmiðlar; framleiðsla efnis og eftirvinnslu
Hönnun auglýsingaefnis og uppsetning
Almenn verkefnastjórnun
Samskipti við auglýsinga- og birtingastofu
Þátttaka í skipulagningu viðburða
Innsetning og ritstýring efnis fyrir samfélagsmiðla
Önnur tilfallandi verkefni

Menntunar- og hæfniskröfur

Háskólamenntun sem nýtist í starfi
Þekking og reynsla af markaðsmálum, verkefnastjórnun og grafískri hönnun
Reynsla af umsjón samfélagsmiðla er kostur
Gott auga fyrir smáatriðum og hönnun
Frábær samskiptafærni og hugmyndaauðgi
Áreiðanleiki, skipulagshæfileikar, frumkvæði, sjálfstæði og öguð vinnubrögð
Mjög góð íslensku- og enskukunnátta, bæði töluð og rituð

Fríðindi í starfi

Samgöngustyrkur fyrir þá sem nýta sér vistvænan og heilsusamlegan samgöngumáta til og frá vinnu.
Ýmsir viðburðir á vegum fyrirtækisins ásamt virku starfsmannafélagi sem stendur fyrir reglulegum viðburðum.
Aðgengi að sumarbústað til einkanota.
Niðurgreiddur heilsusamlegur matur með vegan valkosti.
Ávextir og hafragrautur í boði.
Heilsueflingarstyrkur ásamt frírri heilsufarsskoðun og velferðarþjónustu frá utanaðkomandi fagaðila. Hressandi morgunleikfimi tvisvar í viku.
Aðgengi að námskeiðum og fræðslu til að styrkja persónulega hæfni.
Skapandi og skemmtileg störf með mikla möguleika á að þróast og vaxa í starfi.
Skemmtilegir vinnufélagar.
Afsláttur af IKEA vörum.

Umsóknarfrestur er til og með 10. júní 2026

Nánari upplýsingar veitir mannauðssvið ([email protected]).

Auglýsing birt28. maí 2026

Umsóknarfrestur10. júní 2026

Tungumálahæfni